حين تحلق الفراشات

18

حين تحلق الفراشات
البارت الثامن عشر

للكاتبة نور الشمس
........

هلي اسف..
كبرت بلاية ماگلكم
هلي ومو قصدي اتعبكم
مشت بية السنين ابساع
مشيّ الجذب بالوادم
وخذت مني الليالي هواي
گد ما من صدگ نادم
هلي وبس اسمي ضللكم

.........

زمرد.

اخذه دفع ولاوي ايده ومرتضى كل شويه يضرب ويتلاوه بس جهاد اضخم
العالم انتبهت الهم رادت تفاكك اني امشي واتوسل بجهاد يعوفه علي اجه ييفاكك بينهم اخذ مرتضى وذاك يتهدد
وجعاد خبص الامه يصيح شلون تمد ايدك عليها هيج على اي اساس
شفت فيروز تتوسل بعلي ياخذ مرتضى وتكل الجهاد فدوه الخاطر زمرد كافي حلوها لتكبر

مامنتبهه الها شوكت طلعت جنت ميته خوف ودموعي تجري اني بحياتي مااتملي فرحه لو يوم واحد اذا افرح اخاف واظل مستعده القهر اكبر

اجه مؤيد بسرعه مااعرف شنو الجابه بس اتفاجأنه رزل مرتضى وظل يعتذر من جهاد واتوسل بي يروح البيتهم يعتذر منه
جهاد رفض وكال اني اروح البيت عمي وزمرد محد يوصلها غيري البيت ابوها بهالاثناء فيروز اتخربطت جابولي مي غسلت وجهه وماقبلت ترجع للطبيبه ابد عاندت اخذتها ويانه للبيت وعلي اتفهم وضعنه
وصلت للبيت ميته خوف ابويه اكيد وصل اله خبر
جهاد صاير نار وجهه احمر صار عبالك يريد ينفجر
نزلت فيروز بايدي وبابا بالباب مكدرت اباوعله اصلا وهو انشغل بوضع فيروز فوتتها يم بيبي وخليته هو وجهاد سلم عليه وبدو يحجون اتفاجأت ابويه ضيفه اسمع صوتهم بالخطار
اذا واحد ذبحني قطرة دم ميلكه بيه من الخوف والتوتر وخجلانه حيل هم
ياقوت اكلت كلبي بالسؤال رفعت ايدي الها كتلها اسكتي شوفي الرجفه بيه اعتقيني هسه فدوه
فيروز كالتلها انطيني حلاه واني احجيلج شربت عصير شويه وحجت الها وياقوت ظلت تلطم وادك على وجهه وصدرها شلون هيج تسوين
وليش انتي هيج صايره متخافين مو حرام عليج ابوي

ظليت ابجي شسوي الروحي لا كادره اتركه ولا بيه خير واسنده من صدك مل وجزع يوميه داز عالم وناس
ادري بي يحبني واعرف غيور وغيرته دمار بس شبيدي ع روحي وعليه
اخاف اجازف خاف انغدر واخاف اسكت واتركه
من شافتني ابجي سكتت وفيروز ماقبلت عليها
هم مستمرين يحجون واصواتهم تعله خاص جهاد احسه بركان
شويه واجوو مؤيد ومرتضى وعلي ومن عمامي اثنين هم
احس الموضوع كبر
اسمعه صوته عالي وبعده مامهتم يمكن يكلوله طلك وهو يجاوبهم
مااطلك وزوجتي يم الله ويم الناس  قانون وشرع وياي اذا شرع الله مايوكف بعينكم القانون شلون

علت الاصوات وكفت اسمع البنات وياي حته فيروز صحت من الفضول
ابويه حجه وهوايه اذاه بالكلام وهوو رد عليه

.. انت ياعمي ماتقتنع شسويلك بعد؟ داكلك اي اني عليه مذكرات اعتقال بسبب مقاومة المحتل وهذا شرف الي لا انكرو يوم ولا اندم عليه
ابويه كله اهلك يحذرون منك
وهو رد مقهور