حين تحلق الفراشات

63

مساء الخير حبايبي ❤️❤️

...

فيروز..

وادركت ان مؤمن هو حبيبي ورفيق الدرب وصديق العمر في هذه الحياة

الي صار خلاني احبه واتمسك بي اكثر ومااندم على كل الي سويته اله حبي اله اصراري على زواجه وعدم حرمانه من نعمة الأطفال.

ايام وصلت بيها بيني وبين الموت شعرة
جنت احس بوجوده وقربه الي خلاني اتشجع ويكون عندي دافع واصرار بداخلي ان لازم اتغلب على المرض
وصلت بي حتى مشط هو يمشطلي اكل بأيده يوكلني ويجبرني اذا امتنعت
بعدها يمطر روحي بكلامه وحنيته اوقات بيها اشعر بحزنه واتحسس دموعه الي تنزل على كفوف اديه او وجهي احاول اهدأ خوفه وأكله مابيه شي لا ايدي اطاوعني وتتحرك اله ولا الساني كنت شبه الجثة
والحمدلله بالأخير هو اختبار وامتحان مرينا بي واتعديناه حاله حال القبله.

الي قهرني احساسي على طول احس صرت مصدر قلق للأحبهم يوميه شاغلتهم بيه
اتذكر اول مابديت اصحى من يجيني بابا حتى اديه يبوسهن من يشوف دموعي يبچي وياي

يوميه مخرعته وقالقته وياي اما ياقوت موضوع ثاني هي وماس وحسن ماقصرو ويايه ابد والاغلب ماس متركتني
وحبيبتي الحنينة القريبة من قلوبنا وبعيدة من عيونا زمرد ولا يوم اتصلت بي وتكدر تحاجيني اسمها مخنوگة بعبرتها وتبچي حتى بعد ماصرت زينه واحاجيهم
مؤمن يكول جهاد يتصل باليوم اربع مرات ويگلي شنو تريد شنو تحتاج اني حاضر

فواطم اهلها الكل كان مهتم الصحتي
احيانا الشدد تكون باب رحمة تكشف معدن الناس وارتباطهم الفعلي بينا كأشخاص حتى ابو مؤمن عمو كريم يومية يجي يسأل ويسلم و يدعيلي

عمتي ام علي الي ماطلعت الباب من استشهاد المرحوم غير للزيارة اجت متعنية الي البيتي وخلت ياقوت تذبلي الأسود بوقت و گعاتي القوية الي ادخل بيها غيبوبة
هذه المحبة تخليني استمر بالعطاء اني ومؤمن نوگف للكل والحمدلله اكو من يقدر

اول ماصحيت وبديت استوعب وارجع بذاكرتي بعد ايام اني فصلت بيها عن الواقع الا القليل من الاحساس استشعر وجودهم يمي وبس
صحيت على بوسات تتتوزع بأديني وبجبيني وياهن هالمرة دموع الفرح بعد يأسه من العلاج
وبعدها سمعت فواطم جايبه محمد
باركتله بتعب فرحانه باس ايدي وراسي

طلبت منه يتصل بفواطم اباركلها هي هم
باركتلي على سلامتي و وفرحتني وهي توعدني اول طلعة تكون الي بكلمتها خلت دموعي تنزل من الفرحه الغمرت روحي صح هي كلمة بس هالكلمة تأثيرها كلش قوي بروحي

گالت

..فيروز وعد بس اتحسن اجيج نشوفج وتشوفين ابنا الصغير ونعرفه على ماما الثانية مدام صارت بصحة زينه الله شاهد اندعيتلج واني بشدة الولادة