حين تحلق الفراشات

41

يسعد صباحكم

الفون جان مسحوب من القياده علمود ايدي تتعالج اسرع لأن جانت ملتهبه لذلك هذي اول مره افتح واتباد والله

واشكر ملوكه على مساعدتها ب

لاگيتها و دگة الگلب
دمام تطلع مني
.....

..شبيج ترجفين زمرد شجاج

.. لج هو بيدي بداخلي مشاعر متضاربه مااعرف اسيطر عليها ومنو اظهرها ومنو الاخفيها

.. اظهري الغالب ع قلبج بينهن

.. الغالب بقلبي الشوق اله ميته عليه وبالي مو مرتاح ابد وخايفه هم ابويه يعرف ويتخبل عليه

.. ابويه مااعرف بشنو يفكر الله يهدي عليكم

.. امين

بقيت انتظر جيته وحتى الهوا من يحرك الباب ياخذ من روحي روح
محمد كتله بابا جاينه جان منتظر وممصدك لأن هوايه وعدته بجيته من يسأل على ابوه

ساعه الاربعه العصر فيروز وعمتي يحضرن الفطور واني اساعدهن بس بعالم ثاني وخجلانه من مؤمن هم الموقف مو حلوو حاسه نفسي متقيده

شويه وسمعت هورن بالباب لحظات بعدها واندكت الجرس طلع مؤمن وفيروز طلعت محمد وراه من باب المطبخ واني عيني تراقبه من الشباك شكد روحي ملهوفه عليه
محمد من شاف ابو اتخبل ظل يطفر بمكانه يصيح فرحان  اخذه جهاد الحضنه شاله يبوس ويشم بي

.. روح بابا.. حبيبي بعد اهلي انتو وين اخوانك شلونكم انتو وامكم
محمد بس يضحك عبالك ممصدك ايده ع خد ابو يباوعله مبتسم  بس  رغم كلشي والبسمه الراسمها ع وجهه نظراته  حزينه
فاتوو للخطار مرت دقايق عبالك ايام
اجه مؤمن كلي هو ميدري  بيج هنا  اخذيله التوم وروحي
عباله بس الجهال خالتهم جايبتهم
اخذتهم حبايبي كبرانين صار هوايه مشايفي ولا هو شايفهم صار اشهر 
رحت واحس رجليه ثكال متردده
دكيت الباب خفيف وفتت

هو كام ومن لمحني مكدر يكمل وكفته بقى لحظات متردد وعيونه عليه متفاجأ
حبيبي تعبان مبيين عليه التعب والهم
ابتسم الشوفتي واني اصلا مبتسمه بدون شعور مني
اتقدم عليه ورجليه ثبتت بمكانها خطوه مكدرت انقلها
معقوله هذا حب البينه ليش هيج احس ارواحنا سبقت اجسادنا شراح يصير بينه لو صار صدكَ وافترقنه ابويه واهلك وتالي وياهم ياروحي انته لو هم
حبنه يتغلب لو الظروف
سارحه وعيوني عليه حسيت اخذني الحضنه قطعت افكاري واني استنشق عطره واسمع انفاسه ياخذها براحه بعد مافتح شالي واستقر وجهه برقبتي قبلها قبل خفيفه.
اتذكرت لحظاتنه الحلوه كلها وخانتني ذاكرتي وعرضتلي ذاك الموقف اليرهب واني اباوع بعيونه بعد اشوف بيهن امان لو اختفه اماني للأبد
نزلت دموعي مسحهم بأيده
باس راسي انتبهت محمد صافن علينه وراون ومروان يجرون برجلينه وصايرين بينه 
ذوله شوصلهم للكاع اني عفتهم لو هو اخذهم مني وكعدهم
هنا