حين تحلق الفراشات

24

يسعد صباحكم ❤️

...

فيروز..

كعدت ابجي شكد ضوجني واني مخنوكه ليش ميحس بيه بعدين مشكله بينه وبين ابو اني شكو يدخلني وهم اصلا ممختلفين بينهم عادي يحبه وينطي مصرف مرات ويدز الخواته

واني عمي زين ويايه يذكرني ويحبني الخاطر ابويه ومؤمن.. وهو مهما يكون عمي يعني مو غريب شلون ارده يعني اكله مااروح يروح للجيران عادي!

انوب كل مااريد ارتاح واكول كافي اتذكر صياحه عليه وارجع اختنك وابجي بقهر مشتاقتله صار ايام.

جيته فرحنه بيها يوم واحد وثاني يوم انشغلنه بالفاتحه واجازته كلها خلصها تعبان وطالع ومقهور ومن راح نفس الشي اساسا نفسيته تعبانه من وفاة خاله الهسه ومن اجه ابو وحجيه وعتابه العمتي انقهر اكثر
ذب قهره بيه

احد كايله اني ناقصني قهر
مو يدري البيه كافيني

قرب اذان الفجر كمت اصلي صلاة الليل قبل الاذن
اتوضيت ورجعت عمتي جاي تصلي تليفونها بالغرفه الثانيه ع الشحن يرن وهي متسمعه اشرتلها عليه متأكده هو يتصل

صليت وشويه اجت عمتي واني اقرأ قرآن وكل مااقرأ ارتاح اكثر حاجتني صدقت

رفعت تليفونها وكالت هذا رجلج يريدج
هزيت راسي مااحاجي عيوني من البجي مورمه وحمر وتعبانه هم

.. يا هاي شبيج عمه فيروز هاي شبيهن عيونج شني باجيه انتي

ماحجيت شي طلع هو وياها ع الخط سألها وحاجته

.. انت شعدك وياها بس لا انت معاركها مؤمن

مااعرف شحجه هو وهي ظلت تحجي عليه شوكت تتعلم تلزم اعصابك وشصار عليك يعني اني عمتها هنا وكالتلي بعدين هي رايحه عرس حفله مسيره ع اهلها غير ظرف طارئ وانجبرت عليه
مامقبوله منك هاي

ماتحجي البنيه هي تعبانه واصلا مالها خلك كلش شاده راسها وتبجي

زين هسه من قهرت روحك وقهرتها

شني تحاجيها اكلك اني طلعت وهي قفلت الباب عليها عود باجر ترتاح واخليها تفتح جهازها يلله اني هم راح انام لاكل شويه مكعدني

سدته وضحكت ع ضحكتها

... خليتيني اجذب حتى يخاف عليج ويهدأ المسودن مامكفي اتصال مساع متخبل شنهو تسده بوجهي
انوب من خوفته ظل يوصي بيج

ابتسمت وسكتت مقهوره

اتقربت عليه ونبرة صوتها اتغيرت

.. كولي ياالله عمه ادري حملج ثكيل وتنقهرين حقج بس انتي سباعيه اذا ظليتي هيج تشبعين قهر وتتمرضين لاياكلج التفكير عيشي يومج وارتاحي واذا على مؤمن تصير بين المره ورجلها هالسوالف سهلات لاتشيلين الهن هم