حين تحلق الفراشات

30

مساء الخير حبايب البارت طويل تعويض الكم عن التأخير

......

انه شلي بديره ما شمت هواك
انته تدري بغربتي لو شح ضواك
ياحبيبي ؟ كليبي عيشني عليك
انه وانته وجم حلم مامش وراك

....

ركض عمر حافي وراه طلع سلطان وابنه الجبير وصوت شجاع يهدد
باوعت من باب المطبخ
شفت جهاد طلع من الاستقبال للبره اتراجعت وظليت اباوع من الجام
صاح عليهم
خلوو
لحد يحاجي يول اتركوو

هوسه بالباب سمعت صوت طلقتين بالجوو
متت خوف جهاد مجاي اشوفه ولا واحد منهم بس هوسه والجيران طلعت وصوت رياجيل تصيح وتهدي بينهم
دخلوو جوه ولد سلطان وعمامهم وصلوو للطرمه
احمد ابن سلطان شعره مكوش تيشيرته مشكوك من ركبته وردنه
هم دخلوو شجاع وعمر هجموو عليه جنزوه
ابوو واخوته كلهم واكفين صاح عليهم جهاد يتركوه فوتوو جوه للخطار
رجعت اصواتهم ورجعوو يحجون اريد افتهم شنو الصار
منو الرمه احمد شبيهم وياه
جهاد ليش هيج هادئ عكس عادته.
ماجاي افهم شي
اتقربت للخطار اتسمع عليهم
سلطان ظل يعاتبهم

.. هو شاب ومالكم حق تمدون ايدكم عليه

سكته جهاد

.. سلطان اني الخاطرك ساكت ومتحمل الي جاي يصير رغم مامجبور اتحمل
فواينكم لا وحده ولا اثنين الموضوع هذا ماينسكت عنوو ولا اكو نفس تكظم وتتحمل بعد خلص اتقي الله بينا وابعد هالشر عنا
خليك وياهم محد يكولك اترك عائلتك ولا احنه تاركيكم بس
ابعدو المشاكل اكضب حرمتك والا اني بنفسي اتصرف

.. عيب عليك جهاد

.. عيب عليك انت اخوانك احنه محتارين قدمنالك الادله وهي اعترفت بنفسها شلون سرقت وهذا ابنك كدامك وابيتي يرفع عليه سلاح كل ظنو المراجل هيج
يول احمد اني عمك وتاركك الخاطر اخوي والدم اليجري بينه واكول شاب وطايش يفهم الموضوع يندم

.. هسه الي تريدوو شنوو

.. شكو قرش اخذتوو ترجعوو انطيها فرصه عشر ايام.. عشر ايام بس والا تتقدم الادله للقضاء وبعدها لتلومني

.. ترضاها غيرتك تحجز حرمة اخوك

.. الصراحه لا.. بس هالفعل يرضي اخوي؟

.. ماراضي اني وانت تعرف هي مكشوره عند اهلها

.. يومين وترجع اعرف مراح اطوول هاك للعلم اهلها يعرفون بفواينها خلي يتحملون عواقبها

.. انت تعرف اني باني جديد وعندي ولد كليات وبنات زغار وحالتي الماديه اقل واحد بيكم لان عائلتي اكبر خفف عني هالحمل انطيني مجال اكثر

.. عشر ايام بس انت شكو تهتم اخوها الدزتهن الوو هو يتحمل خسارتهن

.. الله كريم واحمد حسابو عندي تظل انت اخوي وماارضا يتعدون عليك