حين تحلق الفراشات

31

صار هوايه من اخذوو للعمليات مشفت منه شي كل جسمه مضبر ادعي وافرك بكفوف ايدي والدموع بيهن تستقر

صوت بجي عمتي وهي تدعيله يمها اخوانها وولد اخوها
رفعت عيني عليهم
عمي ابو مؤمن مكابلها ويبجي وياها ويصبر بيها
نصيت راسي واحاجي بگلبي

مؤمن ياروحي انت تشوف الكل متأذي عليك شوف امك وابوك الي تكول مااهمه شوف شلون صوت بجيه اعلى من صوت عمتي يصبر بيها وميصبر
شوف علي المتخبل ومرتضى جماعتك بالدوام الكل مخبوص ويدعيلك
ياربي تقبل دعواتنا

الهي يامحيي العظام وهي رميم

يمي ياقوت لزمت ايدي رفعت عيني عليها دموعها تسابق دموعي

.. فيروز صيري قويه ادعيله

.. اخخخ ياقوت الله يساعد گلبج شلون متحمله اني من الخوف راح اتخبل

.. الله يحفظه الج وميمتحنج بي ادعيله فيروز مؤمن واسمه عليه حباب وطييب ويساعد الكل اني عندي يقين بربي يطلعه من هالشده

.. ان شاءالله.. يارب انت من امرتنا بالدعاء ووعدتنا بالأجابه

طال الوكت واني احس كاعده على نار كاعده مجبوره اريد اتحرك اريد امشي اريد النار الي بداخلي تطفه

شويه وطلع الطبيب الكل اتجمعوو عليه اني من خوفي رجليه ميعينوني اتحرك عيوني تراقب وجوهم شفتهم اتنفسو براحه مستبشرين
حمدت الله رغم مااعرف شنو الصار
اجه ابويه كال

.. مبروك يابه عمليته نجحت الحمدلله الله يحفظه الج والشبابه

حضنت ابويه حيل وصرت اشهك

احساسي رهبه بفرحه بخوف

عمامي كالوو الكل ترجعون وعمتي ماقبلت الا يصحى من البنج وعدوها من يصحى يجون ياخذوها عمليته جانت خطره يطوول بالبنج واخوتها ماقبلوو تكعد هنا وعالم رايحه راجعه وماكو فايده من كعدتها

وابويه كال الياقوت كومي اختج خل مؤيد يرجعكم
باوعت عليه عيوني تترجاه ودموعي مانشفت ابد

.. يابه اني اجيبج والله بس يصحى اجيبج ويوميه اخليج تجين تشوفي بس كعدتج هنا ماترهم

انطيت ايدي اله هو وياقوت كوموني احس روحي ثكيله وحتى نفسي ماحاملتها

اخذنه مؤيد اني وعمتي وياقوت رجعنه للبيت الطريق كله عيني ع الشارع واباوع بس بدون تركيز
شنو تحس هسه يابعد عمري اروح فدوه الطولك

كون كل الم يندار بيه

اتذكرت بعمليتي من سويتها ومن عرفت الصار واتهسترت قيد اديني ودموعه تسابق دموعي جان مقهور عليه اكثر من قهره على نفسه
الحد البارحه اني ضايجه وگلبي مقبوض مااعرف ليش
ظل يسأل ويلح بسؤاله