حين تحلق الفراشات

50

يسعد صباحكم❤️..

...

يمالي عيوني
    شمهونك علة افراگي ؟
تدريني
الهوة الموش برضاتك جاي
ابد ما يوصل ارياگي ۔۔!
  

............

ظل يدك الباب بطرفه ايده والله ياالله انوب هو يريد يزعل

.. فتحي الباب بويه تعبان وعيوني ماشايفه النوم

.. لا والله فرحان جاي يكلي عيونه مشايفه النوم وتريد افتحلك باب انت جاي تغثني ماكملت نومتك ابيتك الثاني شجابك عليه جاي منه نعسان وجاي يبشرني

.. اي نعسان جنت سهران بنص الخير.. بويه تفتحين الباب لو اكسره وتالي وياج شبيج متخبله. فيروز انتي لااطلعين حجج كليلي مشتهيه عركه وخل اعاركك اني اليوم اسمع منج كلشي ترديه العركه انتي الفايزه بيها ومحسومه الج بس فضيني

ظليت افور عصبية  وافتر افتحه لو لا

صاح بصوت وضرب الباب بكف ايده بقوة
خله جود يفز يصرخ

.. فتحي اكلج خليني احجي وياج جاهل انتي لو اني مستصغرتني مخليتني اتوسل بيج بالباب 

فتحته ومن الضغط العيشت روحي بي والذكريات المرت عليه حتى اعصاب وجهي هاجت عليه والم راسي ذبحني  وي دموع جود وصرخته نزلت دموعي اخذت جود ورحت عنه بعيد بزاوية الغرفة وهو صافن لحظات يباوع النا

.. هسه انه اسكتك اسكت امك انه حالي هسه مال اكعد واكابلكم واجر موال حزين على حالي شبيكم بويه شمسوي والله سلطكم عليه منا ابوي منا انت وامهاتك شادين حزام الي شتردون

درت وجهي زعلانه

.. اخخ السالفه جبيره والله هاي هيج شايله عليه مايوم دايره وجهج عني ليش فيروز شبيج مسوي شي جبير وماداري بروحي كليلي

كعد مقابيلي على رجليه مد  ايده مسح دموعي بأبهامه

.. شبيج هيج احس دموعج تتحجج انه حاجيتج غلطت بشي غثيتج اذا مسوي ذني كولي يجوز ماواعي على روحي

اجيت احجي شهكت وجود منا يشوفني تخبل

جرني الحضنه اخذ مني جود وحضني بأيد

.. شبيج گلبي هيج مزعلج انه

سكتت مارديت اخذ جود وداه العمتي ورجع قفل باب الغرفة
اتجاهلت وجوده وظليت امسح دموعي مااحب الضعف اي بس ماادري شجاني

قرب عليه كعد يمي بصفي كلش بس ارتكا ع الحايط

.. انه غاثج بشي احجي بروح اعزازج مااحس الموضوع بس على شغلة البيت وبيعته ونهوة ابوي ع الشراي لأن انه مالغيت البيعه وتعرفيني مو من النوع اليتأثر.. انتي هم على كيفج وياي لاتشوفيني هيج وعيونج تعبان والمقويني انتي وجودج يمي ساندتني عندي كلشي يهون مؤمن بدونج شنهو
وشنهي حياته