How to Flirt with the final boss

Arc 5 Part 4

Misaki မျက်လုံးတို့ကို မှိတ်ထားလိုက်သည်။ ဒီကမ္ဘာက အနည်းငယ်မျှော်လင့်ချက် ကင်းမဲ့ပေမယ့် အခွင့်အရေးညီမျှလေသည်။ ကုသရေးအစွမ်းတွေ စစ်ရေးဗျူဟာတွေ ဒါ‌‌ေတွက သူမနဲ့သေချာပေါက်မရင်းနှီးဘူးပေါ့။ ‌ဒီလောကနှင့်ရင်းနှီးဖို့ဆိုရင် သူမကြိုးစားလေ့လာစရာတွေ ရှိနေသည်။

တစ်ဖက် ဇာတ်လိုက်မမှာလည်း ဇာတ်ကြောင်းကိုကြိုသိရုံမှလွဲ ကုသရေးစွမ်းအင်အနည်းငယ်သာရှိလေသည်။ မူလကိုယ် violet မှာတော့ လုံးလုံးလျားလျားမရှိဘူးပေါ့။ ဇာတ်လိုက်မဘဝကို တံတားထိုးပေးမယ့် တပ်မှူး Rika ကလည်း လက်ရှိသူမလူပင်။

တပ်မှူးနှင့် အိမ်ရှေ့စံဟာ သူငယ်ချင်းအရင်းများ ဖြစ်ကြသည်။ ဇာတ်လိုက်မက လွတ်မြောက်သွားပြီးနောက် သုံးလအကြာတွင် ဒဏ်ရာရ‌ေန‌ေသာတပ်မှူးနှင့် တွေ့လေသည်။ အမှတ်မထင် ကုသပေးမှုလေးမှတစ်ဆင့် မြောက်များစွာသော အကျိုးရလဒ်တို့ကို ရခဲ့သည်။ သူမ၏ပုံရိပ်အစစ်ကို ဖုံးကွယ်ကာ သူတော်စင်နှယ်ဟန်ဆောင်၍ တပ်မှူး၏ယုံကြည်မှုကို ဖမ်းယူလိုက်နိုင်သည်။ ထို့နောက် အိမ်ရှေ့စံ၏ရောဂါအကြောင်း Rika ထံမှ သိရှိပြီးနောက် အခွင့်အရေးလက်လွတ်မခံဘဲ သူမ၏အတော်အသင့်ကောင်းမွန်နေပြီဖြစ်သော ကုသရေးအစွမ်းကိုအသုံးပြုခဲ့သည်။ violet ကတော့ Rika ၏လက်ချက်ကြောင့်ပင် သေလေသည်။ ဇာတ်လိုက်မကလည်း အိမ်ရှေ့စံ၏မြတ်နိုးရသူအဖြစ် အဆင့်တက်သွား၏။

ခရမ်းဖျော့ရောင်မျက်လုံးတစ်စုံတို့သည် Rika အား ငေးမောလိုက်၏။ သူကတော့ ဇာတ်လိုက်မအား ကူညီမည်မဟုတ်ဆိုတာ သေချာနေသည်။ ဒီတစ်ခေါက်မှာ Nina ကို အိမ်ရှေ့စံဆီပို့မယ့်လှေကားက ဘယ်သူများဖြစ်နိုင်မလဲ။

ကုသရေးစွမ်းအင်အတွက် အစားထိုးခံမရှိပေ။ သာမာန်သမားတော်များနည်းတူ ဆေးမြစ်များဖြင့် ဆေးဖော်သော်လည်း သန့်စင်သည့်ဝိညာဉ်စွမ်းအားကိုပါ ရောနှောအသုံးပြုသည့်အတွက် ပျောက်ကင်းမှုမြန်ဆန်သည်။ နတ်ဆေးဆရာနှယ် အကျိုးကိုအကောင်းဖြစ်စေနိုင်သည်။

သို့ရာတွင် နောက်ကြောင်းကားမရှင်းပေ။ အလုံးစုံသန့်စင်ခြင်းဆိုတာ မည်သည့်ကမ္ဘာမှာမှ မရှိပေ။ ကုသရေးအစွမ်းဆိုသည်ကား အမှန်မှာ အပေးအယူလုပ်ခြင်းပင်။ မျိုးနွယ်စုတစ်ခုလုံး၏အကိုးအကွယ်ခံနတ်ဘုရားထံတွင် ခါးသီးမှု စိတ်ပျက်မှု ရောဂါဘယကြောင့် ခံစားရသမျှကိုလဲလှယ်လိုက်ခြင်းဖြစ်သည်။ ထိုကိစ္စကို မျိုးနွယ်စုအတွင်းမှအကြီးအကဲအချို့နှင့် အခြားအရေးပါအရာရောက်သူများသာ သိသည်။ ထိုနတ်ဘုရားဆိုသူ၏ရည်ရွယ်ချက်အမှန်လည်း မသိချင်ပေ။ ကုသရေးမျိုးနွယ်စုအနေနှင့် ရပ်တည်နိုင်သည့်အပြင် ကုသသူထံမှလက်ဆောင်များလည်း ရသေးသည်။ ဒါကနှစ်ဦးနှစ်ဖက် ညီမျှမမျှကိုတော့ အင်အားကြီးသူထံတွင်သာ ဆုံးဖြတ်ခွင့်ရှိလေသည်။