How to Flirt with the final boss

Arc 1 part 9

မြင်ရသမျှအကုန်အမဲရောင်တွေချည်းပဲ။စကား‌ေပြာဖို့ကြိုးစားလိုက်ပေမယ့် အသံကလည်ချောင်း‌မှာတင် ရပ်နေသည်။ ခန္ဓာကိုယ်တစ်ခုလုံးလှုပ်လို့မရဘူး။ အလင်းရောင်တောင်မမြင်လိုက်ရဘဲ ငါသေသွားတော့မှာလား။ ဟင့်အင်း မသေချင်သေးဘူး အသက်ရှင်ချင်တယ်လို့။ အားကုန်သုံးပြီးရုန်းလိုက်ပေမယ့် ဘာမှထူးခြားမလာဘူး system!! System!! ပြန်ထူးသံမရှိဘဲ တိတ်ဆိတ်နေဆဲပဲ။ သေခြင်းတရားနဲ့အရမ်းနီးကပ်နေသလိုမျိုး အာရုံတွေပျံ့လွင့်နေသည်။ချောက်ချားလွန်းလို့ ချွေးစေးတွေပါ ထွက်လာကုန်သည်။

System:.......
(Hostကဒီနေ့ရုပ်ရှင်ရိုက်လို့ပြီးဦးမှာလား)

Misaki ပျင်းရိစွာသမ်းဝေလိုက်ရင်း System နင်ငါ့ကိုသရုပ်ဆောင်ထူးချွန်တို့ဘာတို့မပေးဘူးလား။ ငါသေချာစိတ်နှစ်ပြီးကြိုးစားနေတာကို။ငါလေး မင်းသမီးတောင်လုပ်လို့ရနေပြီ။ အခုအခြေအနေ‌ေလးပြောပြပါဦး ဒါကရောဘယ်နေရာလဲ။

System:Host ဒီနေရာကလွန်ခဲ့တဲ့နှစ်နှစ်လောက်က Mr Jordanဝယ်ထားခဲ့တာ ဒီလူဘာလို့ဒီလောက်ချောင်ကျတဲ့နေရာကိုရွေးဝယ်ထားတာလဲမသိဘူး

ဈေးပေါလို့လေ အခုနေချောင်ကျပေမယ့် နှစ်အနည်းငယ်လောက်ကြာရင် စည်ကားသွားပြီး မြေဈေးတွေတောင်တက်ကုန်မှာ။Misaki ချည်ထားတဲ့ကြိုးတွေဖြည်နေရင်း System ကိုရှင်းပြလိုက်သည်။ ကြိုးတွေကဘာလို့ဒီလောက်အများကြီးချည်ထားရတာလဲ။ ငါ့လိုမိန်းမလှလေးကို ကြောက်လွန်းအားကြီးနေတာဖြစ်မယ်။ အဲ့တော့ဒီနားမှာ ကားလမ်းတို့ဘာတို့မရှိဘူးလား System။

System: Host ကထွက်ပြေးမလို့လား Nicolasကိုမစောင့်တော့ဘူးလား

မပြေးလို့ငါကသူတို့သတ်မယ့်အချိန်ထိစောင့်နေရမှာလား။ သွားမယ် ဓားစာခံမရှိဘဲသူတို့ဘာနဲ့ညှိုနှိုင်းမလဲအရမ်းသိချင်နေပြီ။

4 hours ago

Express ကားနီကြီးရဲ့ရှေ့တွင် Misakiတစ်ယောက်ကျောင်းသားတွေရေတွက်နေသည်။ အမှုပြီးသွားပြီး ဆရာမတွေရောကျောင်းသားတွေပါ စိတ်ပြေလက်ပျောက်ဖြစ်ရန်အတွက် ခရီးတစ်ခုကျောင်းကစီစဉ်ပေးသည်။ မလိုက်ချင်ပေမယ့် ကိုယ်ကသည့်ဇာတ်ကိုအဆုံးသတ်ရမှာမို့လို့သွားရမည်။ ဇာတ်လိုက်မလည်းပါသောကြောင့် စိုးရိမ်စရာတော့မရှိပေ။ Nicolasမသိအောင်စီစဉ်ထားသောခရီးစဉ်ဖြစ်သောကြောင့် နောက်ဆက်တွဲတွေကရိုးရှင်းမည်မထင်။ ကျားကိုဖမ်းချင်ရင် ကျားဂူထဲအရင်ဝင်ရမည်မလား။ အန္တရာယ်များလည်း နောက်ကွယ်ကလူကိုသိရဖို့အတွက် လိုက်လာခဲ့လိုက်သည်။