Misaki သူမရဲ့ခေါင်းကို နှိပ်နယ်မိသည်။ တဆစ်ဆစ်ကိုက်ခဲနေတဲ့ နာကျင်မှုတို့သက်သာလိုသက်သာငြား။ နတ်ဆရာမဆီကနေ လွတ်မြောက်လာပြီးနောက် ချက်ချင်းပဲ မြို့တော်ကိုအမြန်ပြန်လာခဲ့သည်။ အပြီးသတ်ရမယ့်ကိစ္စလေးတွေရှိနေသေးတယ်မလား။
လေဆိပ်မှာ Rosey ကသူမတို့ကိုအသင့်စောင့်နေသည်။ သူမတို့နှစ်ယောက်တက်လိုက်သည်နှင့် ကားနီလေးဟာ အလျှင်အမြန်ပင်ပြေးထွက်သွားတော့သည်။ Rosey ဟာကားမောင်းနေရင်း မှန်ကနေတစ်ဆင့် Misaki ရဲ့ဦးလေးဆိုသူကို အကဲခတ်ကြည့်မိသည်။ မျက်ဝန်းစိမ်းတွေနဲ့လူရွယ်က နောက်ခန်းမှာထိုင်နေရင်း သူ့ဘေးကပိန်သွယ်လွန်းသောအမျိုးသမီးကိုမျက်ေတာင်မခတ်ကြည့်နေလေသည်။ သူမအားစိုက်ကြည့်နေသည်ကိုခံစားရသဖြင့် မှိတ်ထားသောမျက်လုံးတို့ကိုဖွင့်လိုက်ရင်း Arwen ဆီအကြည့်စူးစူးတို့ပို့လိုက်သည်။ တစ်ခဏအတွင်းမှာပင် ကားထဲ၌ထိုလူရွယ်၏သဘောတကျရယ်သံတို့ လွှမ်းထုံသွားသည်။
Yuuki နဲ့အဖေက လူကြီးတွေကိုအဖော်ပြုရင်း နေခဲ့လေသည်။ Light groupsရဲ့အခြေအနေက စိုးရိမ်စရာမရှိသည့်အတွက် Yuuki ကျောင်းဖွင့်ရက်နီးမှပြန်လာလိမ့်မည်။ လေယာဉ်နှင့်ဆို စာမဖွဲ့သာသောထိုခရီးကို အဖေကဘာလို့ရထားနဲ့ အချိန်နှစ်ညလောက်အကုန်ခံပြီး သွားခဲ့မှန်း အခုထိမခန့်မှန်းတတ်။ Arwen က Dream cosmeticsရဲ့ ရုံးချုပ်မှာ CEO အဖြစ်ကိုယ်ထင်ပြကာ မိမိကတော့ ကိုယ့်ကုမ္ပဏီကိုယ် အပြေးသွားရမည်။ ဒီရက်ပိုင်းအတွင်း လစ်လပ်သွားမှုတွေအတွက်လည်းပြန်ပေးဆပ်ရဦးမည်။ သူမရဲ့အစီအစဉ်အတိုင်း သူမကကုမ္ပဏီလေးမှာအလုပ်ဆက်လုပ်ကာ Dream ကတော့ ဝှက်ဖဲပေါ့။ အခုတော့ အဲ့ဝှက်ဖဲကို Arwen လက်ထဲထည့်ပေးရမှာ မျက်လုံးတော့ခပ်လှုပ်လှုပ်။
အခြားရွေးချယ်စရာလည်းမရှိတာကြောင့် ပုန်းကွယ်နေတဲ့ Dream ရဲ့ CEO အဖြစ် Arwen ကဒီနေ့ပဲလူလုံးထွက်ပြလိမ့်မည်။ ထုတ်ကုန်သစ်ကိစ္စတုန်းက မန်နေဂျာကိုလည်း Arwen အတွင်းရေးမှူးအဖြစ် လွှဲပြောင်းပေးထားတာမို့လို့ သူမဦးလေးသာပြသနာမရှာရင် အကုန်လုံးကပြီးပြည့်စုံလွန်းတဲ့အစီအစဉ်ဖြစ်ပြီးသားပင်။
KAMU SEDANG MEMBACA
How to Flirt with the final boss
Fantasiအပြာရောင် hydrangeasတွေရဲ့အဓိပ္ပါယ်ကခွင့်လွှတ်မှုကိုတောင်းခံခြင်းတဲ့ နောက်ကျမှမင်းဆီကိုရောက်လာနိုင်တဲ့အတွက် တောင်းပန်ပါတယ် ကောင်လေး
