Unicode
တစ်ခနလောက်ကြောင်အပြီးသွားတဲ့အခါမှာတော့ရှီရှန်းကသတိ၀င်လာတယ်
အမျိုးသားဇာတ်လိုက်ကိုအတင်းဆွဲပြီးသူဘက်ကိုပြေးလာနေတဲ့ယဲ့ချင်ချိုးကိုမြင်မြင်ခြင်းပဲ ဒုက္ခရောက်တော့မယ်ဆိုတာကိုရှီရှန်းကခံစားမိတာကြောင့် စပြေးတော့တယ်
'အား!!!!ငါကဘာကိစ္စပြေးနေရတာလဲ ..ဟိုသတ္တ၀ါကငါ့နောက်လိုက်လာတာမှမဟုတ်တာ!!!ဇာတ်လိုက်မနဲ့တွေ့ပါများတော့ ငါ့ရဲ့ IQတွေလည်းလျော့ကျကုန်ပြီထင်တယ်......'
ရှီရှန်းတို့ကဘေးကိုကွေ့ပြေးဖို့လုပ်နေတုန်းမှာပဲ သတ္တ၀ါကြီးကလည်း လိုက်ကွေ့လာပြီးသူမတို့ရှေ့မှာပိတ်ထားတယ်
ရှီရှန်း"......."
'ခုနတုန်းကပြောတော့နဂါးဆို...ဘယ်လိုဖြစ်လို့မြွေပြောင်းသွားရတာလဲ'
ဒီအကောင်ကြီးကစပါးကြီးမြွေနဲ့တူပြီး ၁၅မီတာလောက်အရှည်နဲ့ လူသုံးယောက်တစ်ပွေ့စာလောက်တုတ်ခိုင်တယ်
မြွေကြီးက ပါးပြင်းထောင်လာပြီး သူမတို့ကိုဒေါသတကြီးကြည့်နေတယ်
သူ့အမြီးယမ်းလိုက်တိုင်းဘေးမှာရှိနေတဲ့သစ်ပင်တွေကတစ်ပင်ပြီးတစ်ပင်လဲကုန်တယ်
ယဲ့ချင်ချိုးကလည်း တွေေဝသွားတယ် စောစောကသူမမြင်လိုက်တာ သေချာပေါက်နဂါးကြီးပါ..ဘယ်လိုလုပ်မြွေဖြစ်သွားရတာလဲ
'ကြည့်ရတာ..ကောင်းကင်ဘုံကငါ့ဘက်မှာရှိနေတဲ့ပုံပဲ 'ဂျိမ်း!!!!ဂျိမ်း!!!!
စောစောကကြည်လင်နေတဲ့ကောင်းကင်က တိမ်မဲတွေဖုံးအုပ်သွားကာလျှပ်စီးတ၀င်း၀င်းဖြစ်လာပြီး ယဲ့ချင်ချိူးရဲ့အတွေးကိုသဘောတူလိုက်တဲ့အတိုင်း မိုးတွေခြိမ်းလာတယ်
တိမ်မဲတွေကထူထဲနေလွန်းလို့ သူမတို့ဆီကိုတောင်ပြိုကျလာတော့မလိုပဲ
"သေစမ်း!!!! ပြေးဟ....."
ရှီရှန်းကကျယ်လောင်စွာအော်ဆဲပြီးတော့ တခြားဖက်ကိုထွက်ပြေးသွားတယ်
'ဒီကောင်ကြီးက ကောင်းကင်ဘုံရဲ့အဆုံးအဖြတ်မိုးကြိုးကိုခံယူရတော့မယ့် အဆင့်မြင့်ကျင့်ကြံခြင်းမြွေပဲ..အခုမှအခြေတည်အဆင့်ပဲရှိသေးတဲ့ငါလေးက ကောင်းကင်ဘုံမိုးကြိုးကိုမခံနိုင်သေးဘူး....၀ူး...၀ူး...ငါလေးကိုကယ်ကြပါ.....မိုးကြိုးပစ်ခံရပြီးမသေချင်ဘူး.....'
ယဲ့ချင်ချိုးကလည်းသတိမလည်လာနိုင်သေးတဲ့ဇာတ်လိုက်ကောင်ကိုဆွဲပြီးရှီရှန်းနောက်ကလိုက်ပြန်တယ်
သူပြေးတာမြန်လွန်းလို့ရှေ့ကပြေးနေတဲ့ရှီရှန်းကိုတောင်ကျော်တက်သွားတယ်
အခုချိန်မှာသူတို့ခေါင်းထဲမှာရှိနေတဲ့တစ်ခုထဲသောအရာက ကျင့်ကြံဆင့်တက်ဖို့ကောင်းကင်ဘုံအဆင့်ရှိတဲ့မိုးကြိုးကိုခံယူရတော့မယ် နတ်မိစ္ဆာမြွေတစ်ကောင်က သူမတို့နောက်ကိုလိုက်နေတယ်ဆိုတာပဲ.....
မူလဇာတ်ကြောင်းမှာတုန်းက ဒီခရီးမှာရှန်းရှူလည်းလိုက်ပါခဲ့တယ်ဆိုပေမယ့် လမ်းတစ်၀က်မှာမဆင်းခဲ့သလို ဒီတောအုပ်ထဲကိုလည်းမ၀င်လာခဲ့ဘူး
ယဲ့ချင်ချိုးကဒီတောအုပ်ထဲကိုရောက်လာခဲ့တယ်ဆိုတာကလည်း ဇာတ်လိုက်ကောင်ကိုကယ်ပြီးသစ်ပင်နီဆီက
ရတနာအချို့ရှာတွေ့ဖို့အပြင်တခြားကိစ္စဘာမှမရှိခဲ့ဘူး..မြွေအလိုက်ခံရမယ့်အကြောင်းအရင်းဆိုလို့အရိပ်အမြွက်တောင်မပါခဲ့ဘူးဟေ့..........
'ငါလေးက ဇာတ်လိုက်ကောင်ကိုဓါးနဲ့၂ချက်၃ချက်လောက်ထိုးလိုက်လို့ဇာတ်ကြောင်းကပြောင်းသွားတာများလား...'
ရှီရှန်းက နောက်လှည့်ပြီးသေချာပြန်ကြည့်လိုက်တဲ့အခါမှာ မြွေက ယဲ့ချင်ချိုးကိုသာအဓိကပစ်မှတ်ထားနေတာကိုတွေ့ရတယ်
ရှီရှန်းကိုသူဖမ်းလို့ရနေရက်နဲ့သူမကိုမတိုက်ခိုက်ဘဲ ဇာတ်လိုက်မကိုသာ သဲကြီးမဲကြီးလိုက်နေတယ်
YOU ARE READING
ရှီရှန်း ႐ွီ႐ွန္း Book 1 Arc 1 To Arc 4
Teen FictionUnicode သည်းထိတ်ရင်ဖိုဇာတ်လမ်းတွေကိုနှစ်သက်တဲ့ စာရေးဆရာမရှီရှန်းဟာ ရေးလက်စ စာအုပ်များစွာကို ရပ်တန့်ခဲ့တယ် မြောက်များစွာသော အဓိကဇာတ်ဆောင်တွေကို ၀မ်းနည်းစရာဇာတ်သိမ်းပေးခဲ့တဲ့ မိထွေးလို စာရေးဆရာမတစ်ယောက်ဖြစ်တယ် ဒီနေ့လို သာယာတဲ့နေ့မျိုးမှာ...