ဖီးနစ်သွေးစက် Book 5

အခန်း ၇၉၇ ဒီလောက်လေးတောင်မှ မဖြေရှင်းနိုင်ဘူးထင်နေတာလား?

[Unicode]
အခန်း ၇၉၇ ဒီလောက်လေးတောင်မှ မဖြေရှင်းနိုင်ဘူးထင်နေတာလား?

ရှန်းယွင်ဆိုင်ခွဲထဲရှိ ရှေးဟောင်းပစ္စည်းများမှာ တစ်ခုကိုပင် အနည်းဆုံးယွမ်သန်းပေါင်းများစွာ တန်ကြေးရှိတာကြောင့် ကြည့်ရှုနေကြသည့် ရှေးဟောင်းပစ္စည်းမြတ်နိုးသူများ ထိတ်လန့်အံ့အားသင့်သွားကြသည်။

ဆိုင်ထဲတွင် လူအရမ်းများနေတာကြောင့် ချောင်ယနှင့်တကွ ထန်ဟိုင်ဖုန်း၏သက်တော်စောင့်များက တစ်စုံတစ်ယောက် ခိုးယူမှုမရှိစေရန် စောင့်ကြည့်ဖို့ တာဝန်ပေးခံထားရသည်။

ကံကောင်းစွာဖြင့် သူခိုးတစ်ယောက်မှမရှိခဲ့ပေ။

………..

ရှားယီချူးနှင့်ဖေ့ဟဲနာတို့၏သတင်းသည်လဲ လူများကို ပိုလို့ပိုလို့ ဆွဲဆောင်နေခဲ့ကာ ဝဘ်ဆိုဒ်များစွာတွင် အထူးသတင်းအနေနှင့်ဖော်ပြခြင်းခံနေရသည်။ အင်တာနက်အသုံးပြုသူများစွာမှာလဲ အဆိုတော်နှစ်ဦးနှင့် သူတို့အေးဂျင့်များဘက်မှ တရားဝင်ရှင်းလင်းချက်များ ထုတ်ပြန်ပေးဖို့ တောင်းဆိုနေကြသည်။ သူတို့တွင် ကိုယ်ပိုင်ခန့်မှန်းချက်များစွာရှိထားကြပြီးဖြစ်သော်လည်း အမှန်တရားကိုလဲ သိချင်ကြသေးသည်။

နေ့လည်ဘက်တွင်တော့ နောက်ဆုံးမှာ ဖုန့်ဟွာဖျော်ဖြေရေးလုပ်ငန်းဘက်မှ ဖြေရှင်းချက်ပေးလာကာ သက်သေအားလုံးကို Weiboပေါ်တွင် တင်ခဲ့သည်။

ထိုအချိန်မှာတော့ ချောင်ကွမ်းရှန်နှင့်ဖေ့ဟဲနာတို့က ပြီးခဲ့သည့်နှစ်များအတွင်း ရှားယီချူးကို အသုံးချကာ ငွေများစွာရှာခဲ့ကြသည်ဆိုသည့် ထိတ်လန့်ဖွယ်အမှန်တရားက ဖော်ထုတ်ခံလိုက်ရသည်။ ရှားယီချူးက သူတို့နှစ်ဦးကြောင့်ပဲ ကားတိုက်မှုလဲ ဖြစ်ခဲ့ရသည်။

ဖုန့်ဟွာဘက်မှသတင်းတက်လာသည်က အင်တာနက်အသုံးပြသူများကြား ဗုံးတစ်လုံးပစ်သွင်းလိုက်သလို ပေါက်ကွဲထွက်သွားတော့သည်။

“ဘုရားရေ! ဘယ်လိုတောင် အရှက်မဲ့တဲ့လုပ်ရပ်မျိုး လုပ်နိုင်ကြရတာလဲ?”

“သူတို့က ကားတိုက်မှုလုပ်ပြီး ရှားယီချူးရဲ့မျက်နှာပျက်စီးသွားအောင်တောင် လုပ်ခဲ့တာပေါ့! ဒါပြစ်မှုဖြစ်သွားပြီ၊ အဖမ်းခံရသင့်တယ်။”