ឆាច់!!!
ទឹកអំបិលស្រោចស្រពលេីខ្លួនប្រាណបែកកន្ទួលចេញឈាមសព្វសាច់នៃរាងកាយ ឲ្យញ័រទទ្រើកដូច
កង្កែបដែលត្រូវគេលាត់ស្បែករួចប្រឡាក់អំបិលម្ទេស។
«ជះថែមទៅ!»លោកប្រធានាធិបតីកូរ៉េខាងត្បូង
អង្គុយគងអន្ទាក់ខ្លានៅលេីកៅអីឈេី ចោលក្រសែភ្នែក
សម្លឹងមេីលជនបង្កប់ដែលហ៊ានបន្លំខ្លួនធ្វើជាអ្នកថែសួន
លួចចូលក្នុងសេតវិមាន ប្រេីដៃកង្វក់ចាប់យកតុក្កតា
ខ្លាឃ្មុំប្រចាំចិត្តរបស់គេទៅ រួចបញ្ជាកូនចៅឲ្យជះទឹកអំបិលថែមលេីរាងកាយទ្រុឌទ្រោមរបស់សត្វមមាចមិនស្គាល់ភ្លេីង។
ឆាច់!ឆាច់!ឆាច់!
«អ្ហាយយយ ប្រធានាធិបតី សូមមេត្តា អ្ហឹក មេត្តាទុក
ជីវិតឲ្យខ្ញុំផង»ជុងហ្គុក មិនខ្ចីយកត្រចៀកស្ដាប់ពាក្យអង្វរ
លន់តួ ព្រោះកំពុងផ្ដោតអារម្មណ៍លេីតុក្កតាដែលឆេះខ្លោច
សល់តែក្បាលបន្តិច ដុតបញ្ឆេះកំហឹងសាតាន់ឲ្យលេចចេញ
មក បញ្ជាកូនចៅឲ្យយកបុរសម្នាក់នោះទៅដុតទាំងរស់
ដូចអ្វីដែលគេធ្វេីដាក់កូនតុក្កតាខ្លាឃ្មុំតូច។
«ដុតទៅ តែកុំលេងដល់ស្លាប់!»ដុតត្រឹមតែឆេះរោម
របកស្បែក រួចដោះលែងឲ្យបកក្បាលទៅជួបម្ចាស់វាវិញ
ឲ្យដឹងថាការដែលប្រកាសសង្គ្រាមជាមួយ ជុងហ្គុក ហ្រ្វេដ
តន់ដានេសហ៍ មិនមែនជារឿងល្អទេ។
«ប្រធានាធិបតី ត្រូវការឲ្យខ្ញុំទៅទិញតុក្កតាខ្លាឃ្មុំថ្មីទេ
ទាន៎!»
«បេីរបស់ចាស់មានតម្លៃ ទោះបីថ្មីល្អយ៉ាងណាក៏មិន
អាចជំនួសរបស់ចាស់បានដែរ»រ៉ាក់គី ឈរគាំង មិននឹក
ស្មានថាបានស្ដាប់ភាសាស្នេហាចេញពីមាត់លោកប្រធានាធិបតី បានយ៉ាងស្រួល ថែមទាំងមិនមានពាក្យស្រែកគំហកដូចមុនៗ។
ឥទ្ធិពល ថេយ៉ុង ហ្វៀរេសន៍ ពិតជាមិនធម្មតាមែន
ផ្លាស់ប្ដូរលោកប្រធានាធិបតី ខុសពីមុន៣៨០ដឺក្រេ តែ
ចរិតកាចសាហាវ ឃោរឃៅ នៅតែដដែល មិនរលុបទៅ
ណាសោះ សូម្បីតែតុក្កតាខ្លាឃ្មុំមួយ ក៏ត្រូវប្ដូរជីវិតសឹងតែ
ស្លាប់រស់ដែរ។
