សំទុះល្បឿនដ៏សែនលឿនរបស់ឡានទំនើបមួយ
គ្រឿងដែលបេីកបេីរដោយមនុស្សគ្មានសតិគ្រប់គ្រាន់
គ្រប់គ្រងខ្លួនឯងមិនបានក៏ជ្រុលចង្កូតទៅប៉ះនឹងអ្នកដែល
លុតជង្គង់ឱបកូនឆ្មានៅលេីថ្នល់ តែដោយចិត្តមេត្តាករុណា
សន្ដោសប្រស់ប្រណីមានតាំងពីកំណើត អ្នកជាម្ចាស់ឡាន
សុខចិត្តប្រេីកម្លាំងចុងក្រោយបញ្ជោចង្កូតឡានឲ្យទៅបុក
បង្គោលភ្លេីង ចៀសវាងជាន់អ្នកនៅលេីថ្នល់ស្លាប់ ហើយ
អ្នកដែលត្រូវស្លាប់សុំជានាងខ្លួនឯងទៅចុះ ព្រោះនាងជា
អ្នកបង្កហេតុការណ៍នេះឡេីង។
សំឡេងសារ៉ែនឡានពេទ្យនិងឡានប៉ូលិសលាន់ឮ
កងបំពងពេញដងផ្លូវ ខណៈមនុស្សម្នាជាច្រេីនឈូឆរចោម
រោមមេីល ស្របពេលដែលមនុស្សពីរនាក់សន្លប់បាត់មាត់ឈឹង។
@មន្ទីរពេទ្យក្រុងសេអ៊ូល
កន្លងផុតទៅជាច្រើនម៉ោង មនុស្សពីរនាក់នៅតែ
សន្លប់ស្ដូកស្ដឹងមិនដឹងទាន់ខ្លួន ចំណែកអ្នកជាម្ចាស់នៃដេីម
ហេតុពិតប្រាកដក៏អង្គុយសំកុកមិនព្រមទៅណា។
តេីឱកាសរបស់គេអស់ហើយមែនទេ?
«លោកគ្រូពេទ្យភរិយារបស់ខ្ញុំយ៉ាងម៉េចទៅហេីយ?»
ពាក្យភរិយាដ៏សែនពិរោះដែលអ្នកដេកនៅលេីគ្រែពេទ្យ
មិនធ្លាប់ស្ដាប់ឮសោះ ស្រាប់តែរបូតចេញមកពីមាត់ប្រធានាធិបតីផ្ដាច់ការ ឃោរឃៅ ហើយក៏តណ្ហាក្រាស់។
«នៅពេលនេះខាងយេីងមិនអាចផ្ដល់ចម្លើយសមរម្យ
ណាមួយផ្ដល់ដល់លោកប្រធានាធិបតីក្រៅពីសូមឲ្យលោក
ប្រធានាធិបតីត្រៀមចិត្តទុកមុន សូមលាហេីយ»វាចាចប់
លោកដុកទ័រក៏ដេីរចេញទៅបាត់ បន្សល់ទុកមនុស្សប្រុស
មិនដែលចេះមានអារម្មណ៍ថាខុសឫពាក្យថាស្កប់ស្កល់ ឈរ
ធ្មឹងមួយកន្លែង ព្រលឹងព្រលាសរត់ចេញពីខ្លួនអស់រលីង។
ក្រោយពេលឈរសម្រួលអារម្មណ៍មួយសន្ទុះធំ
ជុងហ្គុក ហ្រ្វេដតន់ដានេសហ៍ ក៏បោះជំហានសំដៅទៅ
បន្ទប់មួយទៀតដែលមានក្មេងប្រុសតូចច្រឡឹង សម្ដី
ចច្រែត ដេកសន្លប់ស្ដូកស្ដឹង ជេីងសងខាងរុំព័ទ្ធដោយបង់
គ្មានសល់សាច់។
