មានស្វាមី មានកូនទៅហេីយក្ដី តែកំលោះតូច មិនព្រមបោះបង់ក្ដីស្រមៃចោលជាដាច់ខាត អ្វីដែលកាន់តែ
ជម្រុញទឹកចិត្តឲ្យខិតខំប្រឹងប្រែង ក៏ព្រោះតែចង់បំពេញបំណងជាលេីកចុងក្រោយរបស់លោកយាយ។
«លោកយាយចង់ឃើញអូននៅក្នុងកញ្ចក់ទូរទស្សន៍
អូននឹងធ្វើឲ្យបានល្អ! អូនសន្យា សឺត!សឺត!»ថេយ៉ុង ងាកប្រាប់ស្វាមី រួចថេីបកូនស្រីនិងកូនប្រុសដែលសព្វថ្ងៃមានអាយុ២ឆ្នាំ ទេីបឡេីងទៅខាងលេីឆាក ដាក់គូទអង្គុយលេីកៅអី ដេីម្បីប្រកួតប្រជែងគូរគំនូរថ្នាក់ជាតិ ជាអ្វីដែលខ្លួនធ្វើមិនបានសម្រេចកាលពី៣ឆ្នាំមុន ដោយមូលហេតុគ្រោះថ្នាក់ចរាចរណ៍ រហូតពិកាជេីងទាំងសងខាង អាចថានេះជាព្រហ្មលិខិតក៏ថាបានដែរ ដែលនាំគេនិងជុងហ្គុក ឲ្យបានជួបគ្នាក្នុងគ្រាដែលលំបាកលំបិន និង មានបញ្ហាផ្លូវចិត្តយ៉ាប់យ៉ឺនខ្លាំងបំផុត។
«ឈូៗម៉ាមី»អាល្អិត អេរិច ផ្ដល់កម្លាំងចិត្តដល់នាយតូច នៅលេីឆាកឲ្យងាកញញឹមដាក់កូនប្រុស ឆ្លាស់ជាមួយ
ស្វាមីដែលលេីកមេដៃធ្វើជាសញ្ញាថាភរិយានឹងធ្វើបានល្អ។
គេជឿជាក់។
«Fighting mommy!»
«Fighting ប្រពន្ធសម្លាញ់!»
ការប្រកួតប្រជែងបានចាប់ផ្ដើម ក្នុងនាមជាបេក្ខជន
ម្នាក់ ថេយ៉ុង ព្យាយាមប្រឹងប្រែងខ្លាំងណាស់ ដាក់ចិត្ត
ដាក់កាយ បញ្ចូលអារម្មណ៍គូរគំនូរមិនហ៊ានងាកមុខចេញ
ទៅណា។ នេះជាការប្រកួតវគ្គផ្ដាច់ព្រ័ត្រ ត្រូវតែខំ ដេីម្បី
យកភាពជោគជ័យទៅជូនលោកយាយ បេីបរាជ័យមិន
ហ៊ានយកមុខទៅជួបផ្នូរលោកយាយទេ។
ហើយនៅទីបំផុត នាយតូច ក៏ធ្វើបាន!
«ជាដំបូងខ្ញុំសូមថ្លែងអំណរអរគុណទៅដល់ម្ចាស់កម្មវិធី និងប្រិយមិត្តទាំងអស់ដែលបានចូលចិត្តនិងបោះឆ្នោតឲ្យខ្ញុំតាំងពីវគ្គដំបូងរហូតមកដល់វគ្គវគ្គផ្ដាច់ព្រ័ត្រ។ នេះជាសម្មិផលមួយដែលខ្ញុំអាចសម្រេចបានក៏ព្រោះតែមានមនុស្សជាទីស្រឡាញ់នៅចាំជួយជ្រោមជ្រែង និងឈរពីក្រោយខ្នងរហូតមក អូនស្រឡាញ់បង ប្ដីសម្លាញ់!»
ជុងហ្គុក ងេីបឈរញញឹមងក់ក្បាលដោយក្ដីរំភើបចិត្ត ដ្បិត
ភរិយានិយាយពាក្យស្រឡាញ់មកកាន់គេក្នុងចំណោមមនុស្សរាប់សិបនាក់ ថែមទាំងមានការឡាយបន្តផ្ទាល់ទៀត
ផង។
