အခန်းရှေ့ဝရံတာဆီသို့လျှောက်လှမ်းနေသောကောင်လေး၏လက်ထဲဝယ် လိပ်ရုပ်လေးများဖြင့် အလှဆင်ထားသော လင်ဗန်းရှိသည်။ ထိုလင်ဗမ်းပေါ်၌ ဆလပ်ရွက်များရှိသေး၏။ ဆလပ်ရွက်များထဲမှ တစ်ရွက်ကို ဆွဲယူလိုက်ပြီးနောက် သူ၏ပါးစပ်ထဲထည့်ကာ ဝါးစားနေေတာ့သည်။ ထိုကောင်လေး၏နာမည်မှာ မှိုင်းညှို့ငယ်ဟုခေါ်ပါ၏။
သူက ကုတင်ပေါ်ခြေဆင်းထိုင်နေသူဆီသို့ ခေါင်းလေးစောင်းငဲ့ကြည့်ေနသော်လည်း ထိုလူကတော့ သူ့အား အဖတ်မလုပ်နိုင်ပေ။ အနီရောင်ဖဲသား ညအိတ်ဝတ်စုံဝတ်ဆင်ထားသူ၏ အိပ်ခါနီးပုံစံကပင် သူ့အာယတစ်ခုခုနဲ့ဆွဲငင်နေသလိုဖြစ်နေ၏။ မခို့တရို့၊ရီဝေဝေအပြုံးနဲ့ ကုတင်ပေါ်ဘေးမှဖြတ်လျှောက်သွားလေသည်။
ဝရံတာဆီရောက်ချိန်ဝယ် အလှဆင်ထားသော ရေကန်ထဲသို့ ငုံ့ငေးကြည့်တော့ နှစ်ကောင်သားထပ်နေကြ၏။
လိပ်နှစ်ကောင်ကအထီးတွေဖြစ်နေသော်လည်း အမြဲတမ်းထပ်နေတတ်သည်။လိပ်မလေးရှိစဥ်တုန်းကတော့အဖတ်မလုပ် မိတ်မလိုက်သော 'တောတစ်'ဆိုတဲ့ ဦးဝဠာရဲ့သားက အဖေတူသားများလား။
လိပ်မလေးကိုပစ်ပယ်နေသော 'တောတစ်'က လိပ်ထီးအသေးလေးရောက်လာစဥ်မှာတော့
'လိပ်လေး'အနောက်အမြဲလိုက်ေနတတ်သည်။လိပ်နှစ်ကောင်ထပ်နေပုံကိုကြည့်ပြီး မျက်မှောင်ကြုတ်စူးစမ်းနေသောအငယ်က လိပ်ကျွေးမယ့် ဆလပ်ရွက်တွေကိုလည်း သူပဲ စားနေေလသည်။ ပါးဖောင်းကြီးတွေ တလှုပ်လှုပ်နဲ့လည်း ရေကန်ထဲချောင်းနေေသ း၏။
"တောတစ်နဲ့ လိပ်ပေါက်လေးရေ
အစာပြေမုန့်စားမယ် လာကြ..."အလှမွေးလိပ်ကန်လေးထဲသို့ ဆလပ်ရွက်လေးကိုကိုင်ကာ ရေထဲတစ်ဝက်ထည့်လိုက်၏။ ကန်ထဲသို့မြင်ရစေရန်ကန်ဘေးကချောင်းကြည့်မိတော့ ထပ်နေကြသော နှစ်ယောက်ကလည်း သူ့ကိုအဖတ်မလုပ်ကြ။ ထပ်နေမြဲ၊ ထပ်နေဆဲပေ။ လင်ဗန်းထဲကဆလပ်ရွက်တွေသည် 'လိပ်' အစာမဖြစ်နိုင်တော့ပြီထင်ရသည်။ ရေကန်ထဲကျနေသော
ဆလပ်ရွက်မှလွဲ၍ လင်ဗန်းပေါ်ဝယ်ဘာတစ်ခုမှမရှိတော့ပေ။ မှိုင်းညှို့ငယ် စား၍ ကုန်သွားလေပြီ။
YOU ARE READING
My Man (ငါ့လူကြီး)
Romanceမင်းကို စောင့်ရှောက်ရင်းပဲ ကိုယ့်အနာဂတ်မှာအလုပ်ရှုတ်နေတော့မှာပဲ အငယ်...