قلب يخشى الحب

PART♡2

🥀قَلْـــــــبٌ يَخْشَـــــــى الحُـــــــبَّ🥀

🍒الفصـــــــل الأول: قلـــــب لـــم يــــرد سواهـــــا🍒

🍷بقلـــــم:#SHEWOLF🍷

PART♡2

بقا خدام كي بوس فيها و يعض و هي غير كاتآوه وسط فمو

سحر: امم

سراج ما كاينش هنا بقا داخل معاها فديك القبلة الطويلة حتى حس براسو قرب يخنقها و هو يبعد مع بعد مع تنفسات من الاعماق.

سحر(كاتحس بفمها كي وزوز): أي مالك جاهل

سراج(رجع باسها بوسة خفيفة و تلاح حداها): نتي لي جبدتيني و كون ما كنتش عيان كون فرعتك

سحر سكتات ما جاوباتوش في حين هو جرها لعندو معنقها،غمض عينيه بتعب و بقا كي بوس فيها بوسات مفرقين فوجهها و عنقها حتى نعسو اخيرا من بعد ديك المعركة.

🕊يوم جديد🕊

فالكافيتيريا ديال الأكاديمية و فوق واحد الطبلة طويلة، كانو جالسين الدراري و مقابلين معاهم البنات،كلشي ساكت إلا مريم و فراس لي مجمعين و ما مسوقين لحد.

شوية كي دخل انور باللباس ديالو المعتاد و حداه جوج ضباط آخرين، مشاو حتى لحداهم و وقفو دارو ليهم التحية و بادلوهوم المتدربين التحية

مشا أنور جلس مترأس الطبلة في حين دوك جوج الضباط بقاو واقفين

مريم ملي دخل و هي غير كاتشوفيه بإعجاب، ديك الطولة و التجريدة و دوك الملامح الحادة و الصارمة كي خليوها تبقا غير حالة فيه فمها

انور(بلل ريقو و تقاد فالجلسة): اول تدريب غادي نبداو بيه دابا و أثناء الفطور،كيف ما كاتعرفو فاش كاتكون البلاد فحالة حرب حتى الضباط كي لتاحقو بالجيش باش يدافعو على البلاد،و لا قدر الله و وقعات شي حرب خاصكم تكونو واجدين ليها،و هاد التمرين لي غادي نديرو دابا غادي ينفعكم.

فساحة الحرب كانكونو معرضين فأي دقيقة للهجوم من طرف العدو و باش نكونو ديما على اهبة الاستعداد خاص تركيزكم ما يكونش كاملو مع الماكلة و مع الطبق لي كاتاكلو فيه،لذلك غادي تجلسو بطريقة مستقيمة و تشوفو قدامكم و نتوما كاتاكلو، مفهوم؟

الكل: وي شاف

أنور: يمكن ليكم تبداو

بداو كي ياكلو و كيف ما قاليهم كي حاولو ما يشوفوش فالطبق و هما كي ياكلو.

مريم هزات المعلقة عمراتها و هزاتها بطريقة مستقيمة حتى لفوق و بقات كاتقربها لفمها حتى وصلات ليه و هي تحلو و كلات ديك الضغمة لكن جاتها صعيبة فالبلع بحكم الجلسة لي جالسة،طلع ليها الدم و خاصة انها ميتة بالجوع و هي دير بالناقص من شي تدريب و هبطات على الطبسيل كاتاكل.