🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡41
جميلة وقفات و تقابلات معاه، طلعاتو و هبطاتو عاد ستقرو نظراتها على عينيه، و قالت بصوتها المعهود...
جميلة: السلام وسيم
وسيم بقا غير كي شوفيها ما فاهم والو، و عقلو ما قادرش يستوعب بلي جميلة جات لعندو حتى لدارو برجليها، شوية هبط عينيه للصاك لي كان حدا رجليها،رجع شافيها و قال...
وسيم: شنو جابك لهنا؟
جميلة(حنحنات بإحراج و قالت): أنا فكرت فالاقتراح ديالك و قررت ندير بيه
وسيم(عقد حواجبو):أشمن قرار؟
جميلة(عضات على شفايفها و قالت بصوت منفخض):نسكن معاك
وسيم: شنو قلتي ما سمعتش؟
جميلة(زفرات و قالت بصوت مرتفع): نسكن معاك
وسيم(بقا مدة كي شوفيها شوية ربع يديه و ضحك بسخرية): تقاداو ليك الفلوس؟
جميلة سكتات لثواني حيت ما رضاتش تقول بلي ما بقاوش عندها، فالتالي قررات تكذب عليه و تقول...
جميلة: لا باقي عندي الفلوس و لكن الصحافة برزطوني و ما خلاونيش في حالي ولاو كي شكلو عليا خطر داكشي علاش قررت نجي لعندك حيت مستحيل يفكرو بلي غادي نكون فبلاصة بحال هادي
وسيم(كشر ملامحو): بلاصة بحال هادي؟ مالها كيف جاتك؟
جميلة: شوف الدرب كيف داير و البراهش فين ما مشيتي تلقاهم (شيرات بصبعها) و شوف ديك الدار منشورين فيها الحوايج فالشرجم(بقرف) العفن تفو
وسيم(بقا مدة كي شوفيها شوية فك يديه و قال):واخا سيري لشي قنت آخر نقي اما هنا كاين غير العفن
جميلة: نو كانتمنى دارك تكون على الاقل نقية شوية
وسيم: لا موسخة غير سيري
جميلة يالاه بغات تهدر حتى كي شدها من يديها و كي جرها مبعدها على الباب، قرب ليه و قبل ما يدخل دار لعندها و قال...
وسيم:سيري فحالك من هنا قبل ما يظلام الحال
جميلة(عقدات حواجبها): شنو نفهم من كلامك؟ بلي رافض تخليني عندك؟
أنت تقرأ
قلب يخشى الحب
عاطفية༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
