🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡26
سراج(بحدة): الواليدة ما تحاوليش تضغطي عليا بهاد الهدرة
سلمى: ولدي الله يهديك واش حتى لهاد الدرجة قلبك قصاح؟ نتا گاع لي حنين فخوتك مالك وليتي هاكدا
سراج:ديك السيدة ما بقاتش كاتهمني،و الى غادي تبقاو تديرو ليا السبة بصامد فراه هو براسو كاتشكل عليه خطر، على لي تمشي للخدمة و تخلي ولدها بوحدو فالدار كاتسمى أم؟ و زايداها هازاه و علم الله فين كانت غادة بيه، علاش غير انا لي نفكر فيها؟علاش هي ما تفكرش فيا حتى انا لي باغا تحرمني من ولدي؟
سلمى(تنهدات): عرفت ا ولدي بلي غلطات و لكن الحبس؟ ماشي بزاف
سراج: ما بزاف والو و تستاهل كثر
سلمى:سراج...
سراج(قاطعها): من الاحسن الواليدة ما تبقايش تجبدي ليا هاد الموضوع
وقف و مشا باش يطلع لبيتو، و هو طالع فالدروج صونا ليه التيلي،وقف و هزو يشوف شكون لقاه سيف،زفر بغضب حيت عرفو عيط ليه على حساب سحر، و فالتالي جاوب.
سراج: الو خالي
سيف: دابا تكون عندي فالكوميسارية
ما خلاهش يجاوب ديك الساعة قطع عليه، سراج بقا واقف شحال كي فكر فالتالي قرر يمشي حيت واخا معصب لكن ما يقدرش يعصي كلام خالو.
خرج ثاني من الدار و ركب فالأوطو ديالو متوجه لعندو،مسافة الطريق و كان وصل، هبط و دخل للكوميسارية بان ليه سيف و باه يونس واقفين كي دويو مع البوليس، تنهد و قرب لعندهم.
سراج: خالي
سيف(دار لعندو و غير شافو خنزر فيه):أش هادشي درتي؟ مدخل بنت خالك للحبس؟
سراج: شوفها بعدا هي اللولة شنو دارت
سيف: عارف اش دارت و فهمت كلشي من المحقق
سراج: و شنو انا لي غالط هنا؟
يونس(بعتاب):علاش ما علمتيناش قبل ما ترفع عليها الدعوة؟
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
