قلب يخشى الحب

PART♡72

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡72

يازيد(كشر ملامحه):وا بعد ليا من مرتي السي

أنور:ماشي سوقك ختي هادي

يازيد: غير نتا لي عندك ختك؟حتى انا عندي(شاف فسمر و قرب وجهو بغا يبوسها حتى كاتصدمو ملي جمعات معاه بصفعة لفمو)

سمر:بعد عليا قنانفك يالاه

يازيد حط يدو على فمو كي برد الدقة في حين فراس فرحان من ردة فعلها،اما مريم ما حسات براسها حتى لقات بلي كملات الطبق ديالها كولو و غير بالفقصة.

مريم(بصوت خافت):شي يبوس شي يتفقص تء

غزلان(شافت فيهم):ما قلتوش ليا كي جاكم الاوطيل

كلهم قالو بلي زوين و عجبهم، و هادشي خلاها تفرح حيت الاوطيل كان من اختيارها كيف ما ختارت الدولة و المدينة لي يسافرو ليها،و كان عندها تخوف ما يعجبهمش اختيارها.

غزلان(بإبتسامة):غدا ان شاء الله نمشيو لقلعة كاديفيكال كي عاودو عليها زوينة و من المعالم السياحية فإزمير

أنور(بصوت خافت):اش غادي نديرو حنا دابا فقلعة؟(سمعوه غير مريم و شمس)

شمس(بنفس نبرة صوته):سكت دابا تسمعك

مريم(بتاسمات بشر و قالت بصوت مرتفع):ختي غزلان قاليك انور شنو غادي نديرو فقلعة؟ واقيلا ما عجباتوش(أنور وسع فيها عينيها بصدمة)

غزلان(كشرات ملامحها بحزن):بصح؟(شافت فأنور)ما عجباتكش؟

انور(حنحن بإحراج):احم لا انا عنيت زعما شنو ممكن نديرو فيها

غزلان(فكات ملامحها):اه حتى انا ما عرفتش و لكن كلشي كي شكرها

انور: امم حتى لغدا و نعرفو

غزلان: ان شاء الله

كملو عشائهم و مريم فين ما تشوف فانور تلقاه كي تخلف عليها، حتى سالاو و ودعو بعضياتهم من بعد كل واحد مشا للغرفة ديالو.

اما مريم مع حل انور الباب مع طارت للدوش، لكن كان لحق عليها دغيا و شدها قبل ما تدخل ليه، دورها لعندو و قال بإنفعال...