قلب يخشى الحب

PART♡25

🥀قلـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡25

يعقوب(خنزر فيها): عاوتاني أ غزلان؟ حالفة حتى تنكديها عليا؟

غزلان(كاتبكي): وا راني خايفة ا يعقوب تفهمتي

يعقوب(تنهد و مسح ليها دموعها): عرفت ا حبيبة و لكن ما تخافيش كلشي غادي يكون بخير

غزلان يالاه بغات تهدر و هو يتزاد عليها ثاني الوجع،حطات يديها تحت كرشها و اليد الثانية شدات بيها فيعقوب.

غزلان(كاتبكي و توجع): آاااه يا ربي الحبيب خفف عليا

يعقوب(بخوف): صبري شوية واخا؟

غزلان حركات ليه راسها بواخا و هي مكشرة ملامحها بألم، في حين يعقوب طلق منها و مشا هز الصاك ديالها و كاپ،غطاها بيه و يالاه بغا يهزها و هي تمنعو.

غزلان: لا لا غير خليني

يعقوب: غزلان فيك الوجع دابا خليني نهزك

غزلان(بإنفعال):وا ما بغيتش مرتاحة فالمشي هئ هئ

يعقوب: واخا لي بغيتي غير باراكا من البكا راه كانزيد نتلف كثر ما أنا تالف

شدها من يديها و بقا كي تمشى بيها و هي كاتوجع رغم ذلك صابرة و ما كاتغوتش، كاتصدر غير أنين خفيف و كاتزير على سنانها كاتبرد فيهم حر الحر..يق.

خرجو من الدار و ركبو فالاوطو، ديمارا يعقوب مكسيري متوجه للكلينيك لي غادي تولد فيه، في حين غزلان كل مرة كاتطرطا فبلاصتها و كاتطلب من الله يخفف عليها الوجع.

وصلو للكلينيك و هبط يعقوب مشا لعندها، حل ليها الباب و هبطات و هي شادة فيه دخلو للكلينيك و الفرمليات غير شافوها جاو كي تجاراو لعندها داوها للغرفة لي غادي تولد فيها و لحقات عليهم الطبيبة لي مكلفة بيها، في حين يعقوب عيط على حليمة و علمها بلي غزلان كاتولد،قطع معاها و جلس فالكرسي كي تسنا فيها و كي تسنا فمرتو تولد.

مخلوع عليها و رجلو كي هز فيها بتوتر و كل مرة يزفر و يستغفر مولاه و من الداخل ديالو دعا معاها حتى عيا باش ربي يرجعها ليه بصحتها و معاها حتى بنتهم لي 9 شهور و هو كي تسنا فيها بفارغ الصبر.