🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡13
نسيمة بقات كاتشوفيه بعدم تصديق وكاتبلع ريقها بخوف، داكشي لي خافت منو ها هو وقع و داك الإحساس لي جاها قبيلة دابا عرفات السبب ديالو.
فؤاد كان مراقب ملامحها لي كي بانو باردين و لكن فالداخل ديالها راه قربات تموت بالخلعة الحاجة الوحيدة لي كاتدور ليها فعقلها دابا هي كيفاش غادي يدوزو هاد الأيام و هي تحت قبضة هاد الوحش أَوْ بالأحرى هاد المريض النفسي حيت فعلا ولات كاتشوفو ماشي إنسان طبيعي.
عرفات راسها غلطات لكن كاتشوف بلي تجاوز حدود العقل و بلي هاد العقاب ديالو ليها مبالغ فيه حيت ديجا تعاقبات قانونيا و ما منحقوش يقرب ليها.
فؤاد: ما عندك ما تقولي؟
نسيمة بقات مدة و هي ساكتة كاتحاول ما تخليش الخوف يسيطر عليها، تنهدات و تقادات فالجلسة،رجعات شافت فيه و قالت...
نسيمة(ببرودة): قتلني
فؤاد(بتاسم): مستحيل
نسيمة: علاش؟
فؤاد: غادي نكون رحمتك الى قتلتك
نسيمة: هادشي كامل حيت تيريت فيك؟
فؤاد(خنزر فيها): سهلتيها؟
نسيمة: لا و لكن ها نتا باقي حي يرزق، حياتك باقي هي هي خدمتك حتى هي ماتأثراتش، ما خسرتي والو يعني حتى حاجة ما تخليك تبغي تنتاقم مني بهاد الطريقة
فؤاد: و دوك الأيام لي خليتيني مجبد فيهم فالسبيطار؟و لا ديك الشمتة لي حسيت بيها و انا كانسمع صحابي فالخدمة كي قولو شو بنت اش دارت فيه؟
نسيمة: واخا و شنو غادي يخليك تبرد؟
فؤاد: ملي نشوف حياتك ولات جحيم و نكون أنا السباب فداك الجحيم
نسيمة(بقات مدة كاتشوفيه قبل ما تبتاسم بإستفزاز):كانتسنا بفارغ الصبر نشوف هاد الجحيم لي غادي تعيشني فيه
فؤاد زير على فكو و على داك الموس لي هاز فيديه بعصبية و بلا ما يحس جرح كف يديه حتى خرج الدم كي جري،حاليا الاعصاب مسيطرين عليه و ما خلاوهش يحس بحر ديك الضربة حيت التفكير ديالو الوحيد حاليا هو ينوض دابا يغرس فيها داك الموس آلاف المرات باش يالاه يبرد دوك الاعصاب لي ركبات فيه بهاد البرود ديالها و ديك الابتسامة المستفزة باش جاوباتو.
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
