🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡54
ميساء خرجات من الدوش من بعد ما دوشات و مشات للماريو حلاتو، جبدات منو الحوايج لبساتهم عاد خرجات من البيت و هي هازة فوطة كاتنشف فشعرها،بقات كاتقلب على يانيس حتى لقاتو جالس كي تفرج فشي ماتش، و من ملامحو و حواجبو بلي كانو معقودين باين بلي الماتش مهم بزاف، بتاسمات بشر و مشات جلسات حداه، شافت فيه لقاتو مركز مع التلفازة و حتى الشوفة ما شافيها.
ميساء:فاش كاتفرج؟
يانيس(شافيها لثانية و رجع حول عينيه للماتش):رجعي لبيتك
ميساء: لا بغيت نبقا هنا
يانيس: غادي غير تعصبيني ا ميساء رجعي لبيتك
ميساء(بصوت خافت): داكشي لي بغيت نيت
يانيس ما جاوبهاش حيت اصلا ما سمعهاش، بالو مع فرقتو لي لاعبة و لي معصبو انها لحد الآن خاسرة، و هادشي لي بغات تستغل ميساء، حيت الهدف ديالها تستفزو و تعصبو...
ميساء:واش مباشر
يانيس: اممم
ميساء: و كاين شي ماتش فهاد الوقت؟
يانيس: كاين
ميساء: واخا نتا كاتشجع لي خاسرة و لا لي رابحة؟
يانيس(تنهد): لي خاسرة
ميساء: ويلي الشوهة ما فإيدهمش
يانيس(شافيها و خنزر): ماغاديش تسكتي و تمشي لبيتك؟
ميساء: لا
يانيس حقق فيها الشوفة لثواني قبل ما يزفر و يرجع يتفرج، مقرر يتجاهلها حيت ماباغيش يتعصب عليها و يصدق خاسرها، داكشي علاش كي حاول ما امكن يبرد اعصابو.
ميساء(ربعات يديها): فيا الجوع
يانيس ما جاوبهاش
ميساء(شافت فيه و ضرباتو بالفوطة لوجهو): بغيت ناكل نوض جيب ليا السوشي تشهيت نتغدا بيه
يانيس(حيد الفوطة لاحها و قال بلا ما يشوف فيها):واخا بلاتي يسالي الماتش
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
