🥀قلـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡30
جميلة كانت على وشك الإصطادم بميساء لولا وسيم لدور الفولون فآخر ثانية جهة واحد الپوطو و قبل ما يدخلو فيه حط يديه عليها و زير عليها حاميها من الارتطام في حين هو كلى الضربة فراسو.
داك الصوت لي صدر من الطوموبيل فاش دخلات فالپوطو هو نفسو الصوت لي سمع يانيس و مشا بالو بعيد حساب ليه ميساء لي تضربات،بقا هاكداك واقف مغمض عينيه و كي تنفس بصعوبة، شوية ملي ما بقا كي سمع والو و الحس تقطع حل عينيه و حولهم ببطئ لجهة ميساء، و هي تبان ليه جالسة مقردة فالارض و دايرا يديها على وذنيها.
غير شافها حط يدو على قلبو و هز راسو للفوق كي زفر و فأعماقو كي حمدالله حيت ما وقع ليها،رجع شافيها و مشا عندها بخطوات سريعة حتى وصل و شدها من دراعها وقفها لقاها كاترعد.
ميساء: ي...يانيس شنو وقع
يانيس(بأنفعال): واش ماكاتشوفيش؟ واش عميا؟؟
الطوموبيل جاية جيهتك و نتي واقفة كاتسناي فيها تضربك؟
ميساء(عينيها تغرغرو بالدموع): ما تغوتش عليا
يانيس(زفر كي حاول يهدن راسو، شافيها و قال بعتاب): علاش ماكاتحضريش عقلك أ ميساء؟ شنو كاين؟ هادشي بزاف على السهوة
ميساء(بلعات ريقها): لا ماكاين والو غير مع الخلعة ما قدرتش نتحرك
يانيس بقا مدة كي شوفيها مصغر عينيه، شوية وجه شوفاتو للطوموبيل لي ملي شافها عرفها ديال جميلة،زير على فكو بعصبية و شد ميساء من يديها جرها لناحية الاوطو ديالو حتى وصلو و طلق منها باش يحل ليها الباب.
يانيس(حل الباب و شافيها): طلعي نتي
ميساء: بلاتي نشوفو شنو وقع ليكم، ياك ما حالتهم خطيرة؟
يانيس(خنزر فيها): اش غادي تشوفي فيهم و نتي كلك كاترعدي(تنهد) طلعي ا ميساء
ميساء: واخا
طلعات ميساء و سد عليها الباب عاد توجه لعندهم، طل عليهم من الزاج بانت ليه جميلة مصدومة و كاتشوف غير قدامها، في حين وسيم كان مرجع راسو للور و حاطو على الكوسان و الد..م هابط من جبهتو بسبب الضربة لي كلى.
أنت تقرأ
قلب يخشى الحب
Roman d'amour༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
