قلب يخشى الحب

PART♡69

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡69

دقائق قليلة خلاو بزاف ديال الافكار يطيحو فبالو،منهم طرق باش يبرد على هاد الحر..قة لي كي حس بيها و هو كي شوف فمرتو معنقة شخص اخر و صدرها و كرشها معريين، فكر يقتـ...لهم بدون تردد و يمحي أثارهم من هاد الدنيا بحال الى عمرهم كانو فيها.

لكن فنفس الوقت ما بغاش يخلي هاد الافكار يسيطرو عليه، بغا يفكر بعقلو و ما يتسرعش فردة فعله، حيت واخا مريم فيها بزاف ديال الخصال السيئة بحال العناد و لكن هو كي عرفها اكثر من اي شخص آخر و مستحيل تفكر حتى تخونو عاد تديرها.

شوية بشوية بدا كي تهدن و عقلو بدا يخدم و يفكر،أول حاجة فكر فيها الصورة لي من الواضح انها فوتوشوب حيت فيها بعض الاخطاء لي ما قدرش يتفاداهم داك لي قادها،ثاني حاجة حتى الى كانت صورة حقيقية واخا هو متأكد بلي مزيفة فغادي تكون قديمة بحكم كرشها ما بارزاش.

ثالث حاجة فكر فيها هو الغباء ديال هاداك لي فالصورة،و الى كان هو لي صيفطها فراه اكبر مكلخ حيت بسهولة قادر يجبدو واخا يكون تحت الارض.

من بعد مدة من التفكير المعمق تأكد مليون فالمية بلي الصورة مزيفة اولا حيت كي ثيق فمريم و ثانيا بسبب الاخطاء لي فيها،لاحها فوق المكتب بعصبية و شد راسو كي زفر.

ما كرهش دابا يشدو و يفرغ فيه اعصابه،حيت كمية الغضب لي كي حس بيها دابا تفوق الخيال، و كيفاش قدر يتجرأ و يحط وجهها فداك الجسم لي ماشي ديالها اصلا؟و كيفاش حطها هي وياه فنفس الصورة و يفكر فانه يقدر يكون قريب ليها بهاد الطريقة؟

هز راسو و شد التصويرة صورها بالتيلي ديالو، عاد هز المقص و قطع الجهة لي فيها نزار فقط، في حين الجهة ديال مريم قطعها اطراف صغيرة و لاحها فالزبل.

خرج من المكتب و مشا النيشان عند مصعب، عطاه التصويرة ديال نزار و طلب منو يقلب عليه فين ما كان و ملي يشدوه يعطو ليه،عاد خرج من الكوميسارية و ركب فالاوطو ديالو و ديمارا متوجه للدار.

عند مريم لي كانت جالسة مع مها فالجردة و براء حداهم كي لعب مع المشة و رادين ليه البال، فنفس الوقت كي دويو مع بعضياتهم.

مريم:غدا غادي نعرفو الجنس ديالهم(بحماس)متحمسة بزاف

دليلة:شنو بغيتي نتي؟ بنات و لا دراري؟