🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡37
عند مريم لي كانت جالسة مع واليديها كي فطرو،و هي بالها مرفوع مع داك لي مجبد بسبابها فالمستشفى، و لحد الآن ما عرفاتش حالتو الصحية كيف دايرا، واش تجاوب مع العلاج و لا واش ما..ت؟ واش فاق و لا دخل فغيبوبة؟ أفكار فبالها حاليا خلاوها تفقد الشهية ديالها و تسوط بعدم إرتياح.
في حين دليلة و محسن في عالم ثاني، شادين الضد مع بعضياتهم بحال شي مراهقين يالاه كي جربو لذة الحب و الخصام لي كي خليه ممتع أكثر.
محسن زفر بغضب و مد يديه بغا يهز زيتونة حتى كاتسبقو دليلة و تهزها قبل منو، شافيها و حمر فيها بعينيه حتى حنحنات عاد رجع بغا يهز زيتونة اخرى لكن كانت ثاني سبقاتو، حتى تعصب حيت من قبيلة و هي كاتدير نفس الحاجة.
محسن(شافيها معصب): هداي راه غادي نضربك
دليلة: احم غير كانضحك وااه
مريم(شافت فباها و قالت): شنو قلتي ليها؟
محسن(وجه شوفاتو ليها): نعام ا بنتي؟
دليلة: قاليا نهدا و لا يضربني
مريم(عقدات حواجبها بغضب): واش ا بابا ما قلتش ليك ما تبقاش تضربها؟
محسن: فين ضربتها ا بنت..
مريم(قاطعاتو بإنفعال):واخا غير بالهدرة ما تقولهاش،واااه واش ما كاتعرفوش تحاورو بلا عنف؟ كلشي خصكم تخدمو فيه يدكم؟
محسن(هز فيها حاجبو): ا بنتي راه نتي لي غادي تضربني
مريم(زفرات): حاشة واش نمد عليك يدي و لكن فرق عليك ماما و لا هاد المرة نهزها و نمشي انا وياها ما تعرفنا فين زدنا
محسن(حنحن بخوف):احم صافي راه دويت معاك و قلت ليك ما بقيتش نضربها
مريم: تء
ساست يديها من فتات الخبز و ناضت خرجات من تما و هي معصبة، في حين محسن عقد حواجبو و قال...
محسن: كبرات هاد كيلو لاروب حتى ولات هي بغات تعلمني
شاف فدليلة لقاها حابسة ضحكتها لي من قبيلة و هي حابساها، ما تنكرش انها عجبها الحال ملي دافعات عليها بنتها و لكن شكل محسن ضحكها.
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
