قلب يخشى الحب

PART♡64

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡64

مصعب(بإنفعال):اييه تقـ...حبين هادا لي كاتديري، ياك نتي باغا لي يقبل ليك بتبرهيشك؟ اوا سيري قلبي على شي زا...مل حيت هو الوحيد لي يقدر يشوف مرتو كاتشيش و عاطياها للقصاير و ما يدير والو

ياسو: ا سيدي بلاش نبقا بايرة حسن ليا من واحد معقد بحالك

مصعب:اه انا مقعد(اشار ليها بصبعو جهة الباب) يالاه خرجي

ياسو(شافت فيديه لي كي ترعدو): هانتا شوف كيفاش كاترعد الحمار و باغي تسوگ

مصعب(غوت بصوتو الرجولي حتى قفزها): وا ما كر...كش فيا ا زبـ...ي(خفض من نبرة صوتو) ما سوقكش

ياسو(خنزرات فيه): دوي بشوية اويلي مالك جهلتي؟ و اصلا انا ما خايفاش عليك مو..ت و لا حيى، و لكن تقدر تعرض ناس اخرين للخطر راه الطريق ماشي ديالك بوحدك

مصعب زفر و شاف قدامو، ربع يديه و بقا كي تسنا فيها تخرج حيت جرب معاها الهدرة و الغوات ما نفعوش،داكشي علاش قرر يتجاهلها على الله تفهم راسها و تمشي فحالها.

لكن هي أكثر منه عنادا، ربعات يديها بحالو و بقات كاتشوف قدامها و الصمت سيد الموقف، حتى داز شوية الوقت عاد نطقات ياسو...

يسمينة:شنو الحل دابا؟كاتبغيني و كانبغيك و لكن تفكيرنا مختالف؟ نتزوجو واخا زواجنا معرض للفشل؟ انا كانفضل نبكي عليك واخا نعرف نبكي 5 سنين و لا نلوح راسي لزواج فاشل

مصعب(بلا ما يشوفيها قال):قبيلة قلت ليك متناقضة و غادي نعاودها

ياسو(شافت فيه): علاش؟

مصعب(واجه عيونو مع عيونها): نهار جنازة صامد شنو قلتي ليا؟ ماشي قلتي ليا بغيتي تبدلي من راسك؟ ياك كنتي باغا تبعدي من ديك الطريق و تحاولي تديري الزيف؟(عقد حواجبو) عمرك شفتي لي كاتدير الزيف و تشيش؟

ياسو(تنهدات): فعلا قلتها و لكن راه ماشي ساهل، 23 عام و انا عايشة بهاد الطريقة و كاتسنا مني نتبدل فنهار؟

مصعب(كشر ملامحو): انا راه ما فهمتكش و الله ما فهمت شي قلـ...وة فيك، ياك باغا تبدلي واخا ماشي دابا؟ اوا لاش رافضة الزواج؟