قلب يخشى الحب

PART♡58

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡58

بلا عقل خرجات من الدار كاتجري حتى فاتت داك الدرب و هي توقف كاتنهج، حطات يديها لي كي ترعدو على قلبها و تحدرات للارض وجلسات مقردة، ما قادراش تستوعب بلي سرها أخيرا تفضح و دابا كلشي غادي يعرف بهاد السر بما ان مواقع التواصل الاجتماعي دغيا كي نتاشرو منهم الاخبار، واخا الخطأ ماشي ديالها و هي غير ضحية و لكن هي متأكدة بلي اصابع الاتهام غادي يوجهوهم ليها، حيت هي الانثى و هي لي خاصها تلام.

و لكن واش نلومو فتاة صغيرة عمرها ما كل تجاوزش 5 سنين على داكشي لي تدار فيها؟ داكشي لي دازت منو ماخاصهاش تلام عليه لا هي لا اي بنت كيف ما كانت، سواء كانت كبيرة و لا صغيرة.

أما عند وسيم و البقية، كانو مازال مصدومين لدرجة ما حسوش بجميلة لي خرجات من الدار، خديجة حاطة يديها على فمها من صدمتها اما وسيم عينيه مركزهم مع التلفازة و سهيلة عيونها تغرغرو بالدموع، هي بنت بحالها بحال جميلة و ما تبغي لحتى وحدة نفس المأساة لي دازت منها جميلة.

خديجة(وجهات عينيها لفين كانت جالسة جميلة و هي توسعهم): اويلي جميلة فين هي؟

وسيم عاد حيد عينيه من التلفازة و شاف فنفس المكان لي كاتشوفيه خديجة، و غير ما بانتش ليه و هو يوقف فالبلاصة.

وسيم:فين مشات؟ واش فبيتها؟ 

سهيلة: لا ياك كانت معانا؟

وسيم بلع ريقو و مشا بالخف لبيتها حلو و دخل،لكن نا بانتش ليه و هنا بدا الخوف كي تخلل قلبو، اكيد غادي تكون هربات بما انها انسانة ما كاترضاش و ما تبغيش لي يعرف عليها بحال هاد السر.

وسيم ما فكرش بزاف، ديك الساعة خرج من الدار و مشا كي قلب عليها، ما عرفش علاش و لكن بغا غير يشدها و يعنقها، واخا ما ماتبينش احتياجها للناس و لكن اكيد غادي تحتاج لشي شخص يكون فجنبها فهاد الفترة.

في حين جميلة عيات من الجرى و بقات غير كاتمشى،ما عارفة حتى فين غادة، المهم انها بغات تبعد و صافي، لكن نظرات الناس ليها خلاوها غَير مرتاحة،بما انها شخصية معروفة و كانت من اغنياء البلاد فتقريبا الاغلبية كي عرفوها و زادت تشهرات أكثر من بعد فضيحة باها.

زيرات على يديها و بلعات ريقها بتوتر، عمرها كانت متوترة حتى لدابا،حيت الطريقة باش كي شوفو فيها الناس كاتفسر كلشي، داكشي لي ما بغاتش هو تماما لي وقع.