قلب يخشى الحب

PART♡10

🥀قَلْــــب يَخْشَـــــــى الحُـــــــبَّ🥀

🤍الفصـــــل الثاني:قســوة قلبٍ يأبى العشــق🤍

🍷بقلـــــم:#SHEWOLF🍷

PART♡10

وقفات غزلان و دخلات للدار، بان ليها غادي للصالة و هي تمشي لعندو بالجرى و عنقاتو من اللور، حطات راسها على ظهرو و حاوطات يديها على كرشو مزيرة عليه،في حين هو بقا واقف و مزير على يديه، ما عارفش كيفاش يتصرف فهاد اللحظة، واش ينتر ليها يديها و يمشي و لا يجرها للقدام و يعنقها، حيت واخا يعيى ما يقصح فقلبو و يعيى ما يبين العكس و لكن راه توحشها و بزاف.

غزلان: سمح ليا بزاف أ يعقوب

يعقوب تنهد و حط يديه على يديها، حيدهم ليها من عليه و جرها للقدام حتى تقابلات معاه.

يعقوب: خاصنا نهدرو

غزلان حركات ليه راسها بواخا، تخطاها ومشا خرج للجردة و تبعاتو حتى هي،بان ليها جلس فالطبلة لي تما و مشات جلسات مقابلة معاه.

يعقوب(بقا مدة كي شوفيها حتى توترات غزلان و حيدات عينيها من عليه): باقي كاتهدري معاه

غزلان(شافت فيه و حركات ليه راسها بلا): لا لا و الله

يعقوب(هز فيها حاجبو): متأكدة؟

غزلان: أه

يعقوب: واخا و ديك التصويرة كيفاش حتى وصلات للدار

غزلان: هو لي كان صيفطهم للدار و كان كي هددني بيهم

يعقوب(عقد حواجبو): و علاش؟

غزلان:على قبل الفلوس كان بغا يستاغلني باش ناخد من عندك الفلوس و نعيطهم ليه

يعقوب(بتاسم بسخرية): صديقك ياك؟

غزلان(كشرات ملامحها): ما كنتش عارفاه حقير و اصلا بعدت منو قبل گاع مانعرف علاياش ناوي

يعقوب: واخا ياك ما بقيتيش كاتهدري معاه و بعدتي عليه قبل؟ كيفاش عرفتيه باغي الفلوس

غزلان(بلعات ريقها بخوف و حدرات عينيها): الصراحة داك النهار مشيت لعندو للقهوة ديالو و تما كتاشفت

يعقوب(هز فيها حاجبو): بدينا ثاني فالكذوب؟ سولتك قبيلة قلتي ليا اه متأكدة