قلب يخشى الحب

PART♡32

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡32

ديك الساعة لاح الباليزا و مشا كي جري بسرعة باش يلحق على ولدو قبل ما تطيح عليه التلفزة لي كان كي جر فيها حتى زعزعها من بلاصها، وصل عند قصي و دفعو حتى طاح بعيد على التلفازة و هو يطلق واحد الغوتة تبع ليها البكا في حين يازيد شد التلفازة لي كانت ثقيلة قبل ما تطيح للارض و رجعها بلاصتها،و كون طاحت على قصي كان تقت..لو لا محالة.

شمس كانت متكية فبلاصتها و دايرا لي كيت فوذنيها مجمعة مع الكليكة ديالها و ما ناضت من بلاصتها حتى سمعات البكا ديال قصي،تقادات فالجلسة و هي توسع عينيها ملي بان ليها يازيد كي قاد فالتلفاز،ما فهمات والو امتى جا و كيفاش حتى وصل لبيت؟

قطعات الاتصال و بقات غير كاتشوفيه و هي عاقدة حواجبها بإستفهام حتى كي بان ليها دار لعندها و ضربها ليها بتخنزيرة حتى بلعات ريقها و لكن ما هدرش معاها مشا هز ولدو لي كان كي بكي و خرج من البيت مشا بيه لبيتو، بقا كي سكت فيه شحال و بالسيف باش قدر يخليه يحبس من البكا، حتى سكت و حطو فبلاصتو ملي نعس.

خرج من البيت و مشا لعندها لقاها باقا جالسة فبلاصتها، عصباتو و مرضاتو حيت اصلا هاد المدة لاحظ التهاون ديالها و لكن ما كي بغيش يجبد معاها الموضوع باش ما ينوضش الصداع،لكن باش تغفل على ولدها لي كان على شوية غادي يمو..ت حتى لهنا ما يقدرش يبقا ساكت.

قبل ما يدخل هز ديك الباليزا و لاحها لداخل بالجهد عاد مشا لعندها و هي غير كاتشوفيه ما فاهمة والو.

شمس: يازيد امتى جيتي...

باقي ما كملاتش كلامها كان طلع عندها بركبتو لي حطها على الناموسية و شدها من شعرها جرها و وقف ثاني حتى وقفها معاه بزز منها،هز ليها وجهها و هو يجمع معاها بتصرفيقة حتى شهقات.

شافت فيه و يالاه بغات تهدر و هو يزيدها الثانية، رغم ذلك ما بردش زادها الثالثة و الرابعة حتى بدات كاتحس براسها غادي تغيب، هادشي كامل و هو ساكت ما كي هدرش معاها حدو شبع فيها التصرفيق،عاد طلق منها و دفعها بالجهد حتى رجعات للور و قال بصوت رجولي خشن زعزع الغرفة.

يازيد: الولد على شوية كانت التلفازة غادي تبجغو و نتي جالسة مجمعة ليا مع بنات القح*اب؟

شمس كانت مغمضة عينيها و حاطة يديها بجوج على حناكها لي كاتحس بيهم كي وزوزو بسبب دوك ربعة التصرفيقات لي عطاها يازيد، عاد الغوات ديالو لي ضرها فراسها.