قلب يخشى الحب

PART♡48

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡48
  

بقاو معانقين و ناسيين أنفسهم فداك العناق الدافئ، هي كانت كاتواسيه و من خلالو بغات توصل ليه رسالة مفادها"أنا عمرني نتخلى عليك مرة اخرى" في حين هو كان حاط راسو على صدرها و كي ستمد القوة و الطاقة من حضنها.

شحال توحش يعنقها و يكون قريب ليها فكل ثانية و دقيقة بلا ما تبعدهم حتى حاجة، لا مرض لا غيرو،و كون تعرف العذاب لي داز عليه فهاد المدة بسبب بعدو عليها،عمرها تشك فأنه كي خونها و لا نساها.

تدير لي دارت حتى حاجة ما تقدر تمحي داك الحب لي كي حس بيه من جيهتها، فعلا كانو أوقات كي حس فيهم بالكره تجاهها و لكن لثواني فقط و يرجع يبغيها من جديد.

أما هي فهاد الفترة لي جات فيها لهنا، عاد تأكدات بلي كاتبغيه بزاف و الحياة بلا بيه لا طعم لها،كانت فكرة ديال انها غادي تفقدو و بلي انثى اخرى غادي تحضى بيه كاتقت..لها،بل فشي اوقات كانت كاتفهم الغيرة الشديدة ديال انور ليها سابقا، حيت بعض المرات كانت كاتفكر تسد عليه فشي بيت باش عمرو يشوف فشي وحدة اخرى من غيرها.

كانت فترة صعيبة عليهم بجوج و لكن كانت ضرورية باش كل واحد فيهم يتفهم الآخر، و فبلاصة ما يهتمو بجروحهم الخاصة فقط، هاد الفترة خلاتهم يفكرو فحتى جروح بعضياتهم.

و من بعد مدة، حطات مريم يديها على حنكو و هزات ليه راسو حتى شافيها، تحنات لعندو و قبلات جبينو قبلة خفيفة قبل ما تقول...

مريم:انا ماغاديش نخليك بوحدك مازال

أنور ما جاوبهاش، حدو حط يديه ورا ظهرها و جرها لعندو، حط راسو ثاني على صدرها و غمض عينيه، ما سخاش بداك العناق بتاتا حيت كان محتاج ليه بزاف و ما كرهش الوقت يتوقف فهاد اللحظة بالضبط.

مريم: خليني نداوي ليك الجرحة

أنور حرك ليها راسو بلا و هو حاطو على صدرها، مريم تنهدات و بقات كاتطبطب ليه على ظهرو بحنان و تلعب بخصلات من شعرو،شوية بعد انور ملي بدا كي حس براسو كي ضرو بزاف و الجرحة عاطياه الصداع.

رجع راسو للور و حطو على الفوتوي و غمض عينيه،خلى مريم واقفة كاتشوفيه و كاتنهد بندم،شحال ندمات دابا على ديك الضربة لي عطاتو فلحظة غضب.