🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡17
مريم تخشات فالناموسية ديالها من بعد ما دوشات و لبسات بيجامتها، مها كانت ناعسة حداها و كاتشخر،بقات كاتشوفيها و كاتفكر كيفاش تفك حريرتها،و كاتسنا غير يدوز العقد ديالها مع أنور باش تكلف بالمشكل ديالها.
عند أنور حتى هو لي كان يالاه حط راسو على مخدة و غمض عينيه بتعب باغي ينعس،حيت تابعو نهار طويل غدا و لي مخطط فيه لواحد الحاجة باغي ينفذها.
يالاه غادي يديه النعاس حتى كي فيق قافز ملي سمع التيلي ديالو كي صوني، هزو يشوف شكون و هو يعقد حواجبو ملي بانت ليه مريم لي كاتعيط، تقاد فالجلسة و جاوبها ديك الساعة.
أنور:مريم...
مريم(كاتبكي): أنور هئ هئ
أنور(قلبو كي حس بيه قرب يسكت): مريم مالك؟
مريم: أنور أنا هئ هئ
أنور(بخوف): تهدني و قولي ليا شنو كاين
مريم: انا وليت قتالة أنا قتلت روح
أنور(بلع ريقو): كيفاش؟
مريم: عافاك عتقني و ما تخلاش عليا انا صافي مشيت فيها هء هء
أنور بقا سكت و قلبو كي ضرب على الجهد،شد راسو بيديه كي حاول يستوعب هاد الهدرة لي كاتقول ليه،خطيبتو فجأة ولات قتالة؟
مريم(كاتبكي): وا أنور جاوبني
أنور(مسح شعرو بيديه): شو باراكا من البكا و شرحي ليا مزيان شنو وقع باش نعرف كيفاش نعاونك
مريم: ما تقدرش تعاوني حيت انا صافي قتلتو هئ هئ آخر أيامي بوليسية ولات قتالة
أنور(غوت عليها): شوفي ما تعصبيش مي و دوي قولي شنو وقع
مريم(كاتشهق): واخا سمع
أنور: كانسمع
مريم: دابا انا دخلت للطواليط و انا نلقاه تما و...(بدات كاتبكي)
أنور(زفر بغضب و كي حاول يهدنها بكلامو): مريم عافاك أ حبيبة تهدني و شرحي ليا مزيان
أنت تقرأ
قلب يخشى الحب
عاطفية༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
