قلب يخشى الحب

PART♡9

🥀قَلْــــب يَخْشَـــــــى الحُـــــــبَّ🥀

🤍الفصـــــل الثاني:قســوة قلبٍ يأبى العشــق🤍

🍷بقلـــــم:#SHEWOLF🍷

PART♡9

غزلان بلعات ريقها بخوف، زيرات على يديها و قربات ليه بخطوات بطيئة ماباغاش توصل، وصلات لعندو و بقات كاتشوفيه و كاتفرك فأصابع يديها.

غزلان: يعقوب لاش رجعتي

يعقوب بقا مدة و هو جالس مغمض عينيه و حادر راسو لتحت، مزير على التصويرة بيديه و ماحاملش يشوف فيها، غير ديك الشوفة اللولة ملي شافها كانت كفيلة فأنها تخليه يحس بالماس كي تغرسو ليه فقلبو، حس بالخيانة و الغدر و كاع دوك الاحاسيس الخايبة لي عاشهم مع خطبيتو السابقة رجع حس بيهم دابا و بل أقوى من السابق.

خدا نفس طويل، حل عينيه و وقف تقابل معاها، بغا يسولها هو اللول واش نيت هي و لا غير شي وحدة كاتشبه ليها، واش فعلا مرتو هاديك و لا فوتوشوب من شي واحد من الاعداء ديالو فالخدمة دار ليه هاد الخدعة الحقيرة باش يدمرو.

يعقوب(ورا ليها التصويرة): شنو هادشي

غزلان غير شافت ديك التصويرة و هي تغمض عينيها،حدرات راسها و بقات كاتحركو بلا، الخلعة و الصدمة كلشي تجمع عليها، الجسد ديالها كولو كي ترعد و المو..ت ولات كاتحس بيها قريبة بزاف.

يعقوب(بهدوء): شنو هادشي أ غزلان

غزلان(شافت فيه و شفايفها كي ترعدو): يعقوب عافاك ما تفهمش غلط

يعقوب(غمض عينيه و رجع حلهم بعصبية): غادي نسولك سؤال واحد أ غزلان نتي لي فهاد التصويرة و لا لا؟

غزلان بدات كاتبكي و حدرات راسها حشمانة تشوف فيه

يعقوب(بالغوات): جاوبييي

غزلان قفزات و زادت فوثيرة البكاء، حركات ليه راسها بأه و هي مازال حادراه، و ما هي إلا ثواني حتى كاتطيح للأرض على إثر ديك الصفعة القوية لي عطاها.

بقات هاكداك طايحة ما قادراش تنوض و تواجهو، ما قادراش تعطيه مبررات حيت عارفة حتى حاجة من لي غادي تقول ما غاديش تخليه يبرد.
أما هو لاح عليها ديك التصويرة بالجهد و بقا كي مسح على وجهو غادي جاي و كي حس بالعافية شاعلة فيه.

يعقوب: مرتي...مرتي أنا تخوني

غزلان باقا فالارض و كاتبكي بصوت مسموع

عقوب(بالغوات): سكتي سكتييي ما نمسعش حسك

غزلان ناضت و جلسات على ركابيها، هزات فيه عينيها لي عامرين دموع و وجهها لي كولو حمر بفعل بكائها الهستيري.