قلب يخشى الحب

PART♡57

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡57

كان جالس هو فجنبو الايمن و سحر فجنبو الايسر،و كل واحد فيهم شاد ليه فيدو، بجوجهم كي شوفو فيه و كي شبعو عيونو من شوفتو، كي ودعوه من خلال تقبيلهم لكفوف يديه الصغيرة، لكن بلا ما يصدرو حتى شي صوت من غير صوت شهقات سحر.

حتى دخلو الاشخاص لي مكلفين بغسل المو..تى، و بما انه شهيد حادثة سير و ماشي شهيد معركة او حرب فيجوز غسله، سراج مشا معاهم باش يحضر لغسيل ابنه في حين سحر ودعاتو كاتبوس فيه و تستنشق لآخر مرة ريحتو الطفولية المختلطة برائحة الد*ماء و المو..ت.

خرجوه و سراج تابعهم في حين سحر عنقها باها و خلاها كاتبكي فحضنو، و قلبو كي تقطع على داك الطفل لي باقي ما تجاوز 3 سنوات و المو..ت خط*فاتو منهم،لكن كان كي صبر راسو و كي ردد...

فخر: إن لله وإن إليه راجعون، اللهم أجرنا في مصيبتنا واخلفنا خيراً منها، إلا آجره الله في مصيبته، وأخلف له خيراً منها
••••••

منزل سيف الدين بدا كي عمر بالناس لي جاو يعزيو و يواسيهم فهاد الموصيبة، أنور و مريم بمجرد ما سمعو شنو وقع شدو الطريق ديك الساعة لكازا و جاو باش يكونو مع عائلتهم، حالهم حال جميع افراد العائلة، غير انور ما قدرش يلحق على صلاة الجنازة، حيت صلاو عليه صلاة العصر و انور من بعد الصلاة عاد وصل و لقاوهم سالاوها و غاديين بيه باش يدفنوه.

جميع رجال العائلة مشاو من غير النساء لي كانو فالدار و كي ستقبلو العزاية، اما سحر جالسة و لابسة عباية و فولار مغطية بيه شعرها، و فيديها كلينيكس كاتمسح بيه نيوفها لي كي سيلو بسبب البكاء.

جالسين حداها البنات لي شبعو حتى هما بكا، منهم سمر لي قدرات تجي بصعوبة بسبب رجليها و لكن اصرات باش تحضر و تكون معاهم.

اما البقية كل وحدة فيهم شنو كاتدير و اغلبيتهم ملهيين غير مع الناس لي جاو، منهم حليمة لي كاتوجد الكسكس مع ثرية و بشرى(ام يونس و فايزة)، في حين قمر، فايزة، منى و غزلان كي قدمو للناس اتاي، الحلوة و ما الى ذلك.

واحد سلمى جالسة كاتبكي و تشهق، حفيدها مشا و خلاها،شكون دابا يجي يْونس عليها؟ و صامد كان اغلب اوقاته كي كون عندها، لكن هي على الاقل خلى ليها بعض الذكرايات تعقل عليهم مرة مرة، عكس اكرام لي ما شبعاتش من حفيدها بسبب المشاكل لي كانو بين سحر و سراج.