قلب يخشى الحب

PART♡15

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡15

سمر(ببكاء): عافاك أ فراس راه بغا يغتا..صبني

بقات كاتبكي و تسنا فيه يجاوبها حتى كاتصدم ملي قطع عليها، شافت فالتيلي ديالها كاتأكد لقات بلي فعلا قطع، زادت فوثيرة البكاء أكثر من الأول و فنفس الوقت كاتقلب على نمرة باها و لكن مع الاسف طفا ليها التيلي.

سمر(كاتبكي): لا لا لا ما طفاش عافاك

أحمد(كي ضرب فالباب): وا حلي ا بنت الق**ة

سمر قفزات و وقفات مشات تكات على الباب باش ما يقدرش يحلو و لكن أحمد كان أقوى منها و بكثير بقا كي ضرب فيه بكتفو حتى قدر يفرع الباب، دفعو و دفعها حتى هي الشي لي خلاها تطيح.

سمر(شافت فيه): عافاك أ أحمد خليني نمشي

أحمد(كي ضحك): مستحيل و قدامي بنت بحالك كيفاش بغيتي نخليك تمشي ههه

جالسة فالأرض وكاترجع باللور، كاتحرك ليه راسها بلا و دموعها نازلين من عينيها شلال، في حين أحمد قرب لعندها و تحنى لمستواها شدها من رجليها و جرها لعندو عاد طلع فوقها حاط عليها ثقلو و هي كاتغوت بحر جهدها.

سمر(كاتركل و تضرب فيه): بعد مني الحمار بععععد

أحمد(بشهوة كي شوف فصدرها لي كان باين نصو من السوتيان ديالها): امم آح على صدر عندك

مد يديه و قطع ليها ما تبقا من الكسوة و بقات غير بالملابس الداخلية ديالها في حين سمر كاتحاول ما أمكن تعتق راسها منو و لكن والو ما قدراتش فالتالي ستسلمت و إكتفت غير بالبكاء.

أحمد: دابا عجبتيني و لكن غادي تعجبيني كثر الى حبستي من البكا حيت ما كاين لي يعتقك مني

هبط لعندها و يالاه بغا يحط شفايفو على شفايفها حتى كي حس براسو تهز من بلاصتو و تدفع بعيد حتى ترضخ مع الحيط،جا يشوف شكون لقاه فراس لي كان واقف مزير على قبضة يديه بجوج و كي شوف فسمر و فحالتها، هاد الأخيرة لي غير تحيد أحمد من عليها تقادات فالجلسة و هزات الكسوة ديالها كاتخبي بيها لحمها.

أحمد(وقف و مشا لعند فراس و دفعو بيديه):نتا ثاني؟

فراس حيد عينيه من على سمر و وجهم لأحمد و بلا ما يهدر معاه خشا ليه واحد البونية النيشان لوجهو حتى خربق ليه الملامح ديالو.