🥀قَلْـــــــبٌ يَخْشَـــــــى الحُـــــــبَّ🥀
🤍الفصـــــــل الثاني:قســــوة قلبٍ يأبى العشــــق🤍
🍷بقلـــــم:#SHEWOLF🍷
PART♡4
غزلان فدارها حتى كي صوني ليها التيلي، هزاتو تشوف شكون، لقاتو توفيق بقات شحال كاتشوف مترددة باش تجاوب، فالتالي جاوبات حيت شدها الفضول تعرف علاش عيط ليها.
غزلان: ألو؟
توفيق: غزلان؟ لاباس عليك
غزلان: الحمدلله و نتا
توفيق: حتى أنا بحالك
غزلان:ياك لاباس؟
توفيق(بتاسم): لا والو غير طحتي ليا فبالي و بغيت نسول فيك
غزلان(بقات ساكتة مدة): أه احم
توفيق: شنو بان ليك فشي قهوة؟
غزلان:ما نقدرش انا مزو...(سكتات حيت يعقوب كان كي عيط ليها) سمح ليا خاصني نقطع عندي مكالمة ضرورية
توفيق: واخا نهدرو من بعد
غزلان قطعات معاه و جاوبات على المكالمة ديال يعقوب
يعقوب: معامن كنتي كاتدوي؟
غزلان(بلعات ريقها): مع ماما
يعقوب:وجدي راسك شوية و نجي باش نمشيو عند الواليدة
غزلان(تنهدات): واخا
غير قطع معاها لاحت داك التيلي فوق الفوتوي بعصبية،ماحاملاش تمشي عند مو متكاترتاحش عندها بتاتا.
داز شوية الوقت و صونا ليها باش تهبط، و داكشي لي دارت هبطات لعندو لقاتو متكي على الطوموبيل و مربع يديه كي تسنا فيها، غير بانت ليه و هو يطلعها و هبطها،كانت لابسة جلابة أنيقة فالبلو سيال و طالون فالابيض،مع صاك فنفس اللون،طالقة شعرها و دايرة ميكاب خفيف ما باينش بزاف.
وصلات لعندو و تعلات على رجليها حتى وصلات لعندو، باستو فحنكو و شافت فيه.
غزلان: مشينا؟
يعقوب: احم يالاه
حليها الباب و طلعات، عاد مشا لبلاصتو ركب و ديمارا،مسافة الطريق و كانو وصلو.
خرجو من الطوموبيل و مشاو للدار لي كانت كبيرة و فيها ثلاثة طوابق،يعقوب دق فالباب و بقاو كي تسناو مدة قبل ما يتحل الباب و تخرج منو إمرأة كبيرة فالعمر و باينة من ملامحها بلي قاصحة.
يعقوب(شد يديها و باسها): الواليدة لاباس عليك؟
مو(فاطمة): الحمدلله أ ولدي
غزلان(سلمات عليها بنفس الطريقة): خالتي كي دايرا كلشي بخير؟
فاطمة: هاد الساعة بخير، دخلو دخلو
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
