🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡61
فمنزل وسيم، كان جالس هاد الاخير فالصالون و فجنبو جميلة مربعة يديها و فالجنب الثاني كانت جالسة سهيلة لي فرض عليها خوها تجلس معاهم و تعتاذر حتى هي لديك البنت لي قدامهم واخا ما دارت ليها والو، و لكن خطأها انها ما قالتش لجميلة على المرض ديال البنت.
خديجة(وجهات كلامها لأم البنت لي كانت جالسة مقابلة معاهم): غير سمحي لينا ا فاطمة و الله ما عندي الوجه لي يشوف فيك من بعد لي وقع البارح
فاطمة(تنهدات): كون ماشي معزتك عندي لا نتي لا وسيم كنا نوصلو لشي ماصل ما يعجبوكمش
خديجة(بأسف): عرفت ا فاطمة و بناتي ما دارو فيها ما يصلاح و لكن راهم نادمين على لي وقع و بغاو يطلبو من بنتك السماحة(شافت فيهم) ياك ا بناتي
سهيلة حركات راسها بأه في حين جميلة بقات ساكتة ما دارت حتى حركة، حتى قفزها وسيم ملي حركها بدراعو، شافت فيه و قالت...
جميلة: شنو؟
وسيم(من تحت سنانو): عتاذري من البنت
جميلة(شتفت فالبنت و رجعات شافت فيه): و مالها كاتخنزر فيا؟
وسيم رما دراعو على كتفها و جرها لعندو حتى لصقات ليه، هبط لعند وذنيها و قال بصوت خافت..
وسيم: وا الزمر وا كانقول ليك الدرية مريضة عندها اعاقة ذهنية واش ما كاتفهميش؟ غادي تدي عليها و على كلامها؟
جميلة(مغمضة عينيها): واخا طلق راه عنقي ضريتيه
وسيم: غادي تعتاذري؟
جميلة: اه اه(طلق منها) تفو(قادات حوايجها و شعرها و شافت فالبنت، حنحنات و قالت من بعد ما شجعات راسها) احم سمحي ليا اختي
سهيلة: حتى انا سمحي ليا كان عليا نحبسها و نشرح ليها
خديجة(بإبتسامة): اوا ها هما طلبو السماحة
فاطمة(شافت فبنتها): صافي ا خولود؟
خلود(كاتخنزر فجميلة): لا حتى نرجع ليها النتفة
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
