قلب يخشى الحب

PART♡47

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡47

خرجو من تما و مريم كاتنتر منو في حين هو شادها بإحكام، أما مَرْيَمْ بغلت تبعهم لكن منغها علاء ملي شدها و ما خلاهاش تمشي.

مَرْيَمْ(شافت فيه): طلق مني دابا يصدق داير ليها شي حاجة

علاء:خليهم يضبرو لراسهم هي لي كاتجبد فيه خليه يربيها شوية

مَرْيَمْ: وا علاء السيدة حاملة

علاء:ملي حاملة تفكر فراسها و فولادها ماشي تشد الضد و تعصبو ياك هي عارفاه مريض؟

مَرْيَمْ: اه

علاء:و لاش كاتزيد تمرض فيه؟

مَرْيَمْ(زفرات بقلة حيلة):ما عرفت اودي

علاء: زيدي تحركي حتى نتي لدارك

مَرْيَمْ(شافت فأمير لي كان مجبد فالارض و كي كحب):و هادا؟

علاء: صبري نعيط على الاسعاف

أنور و مريم وصلو للاوطو و دفعها حتى طلعات، رضخ عليها الباب و مشا لبلاصتو ركب و ديمارا مكسيري للدار،يديه كي ترعدو و العروق برزو من فرط الغضب،كي حس بد..مو سخون و كي غلي من الداخل،حيت مازال ما برد اعصابو بحكم هاد المدة كان كي حاول يتجاهلها هي و افعالها و كي خبي فقلبو باش ما يبينش بلي راه داكشي لي كاتدير كي عصبو.

و حتى الطبيب ديالو وصاه باش يبعد على اي حاجة كاتخليه يتعصب، هو حاليا فمرحلة مهمة من العلاج، يا يبرا كليا و يرجع ليها، يا يخسر كلشي و يبقا رهين لداك المرض لي غادي يدمرو هو اولا قبل ما يدمر علاقتهم.

لكن هي جات فهاد المرحلة الحساسة بالضبط، داكشي علاش كان بارد معاها و كان كي تقا..تل مع راسو باش يبان هادئ و ما ينفاعلش، كانت الى دارت شي حاجة كاتعصبو كي بين ليها العكس باش تستسلم و ما تعاودهاش، حيت هو عند بالو مريم باقا حاقدة عليه و بلعاني كاتصرف معاه بديك الطريقة باش تعصبو.

داكشي علاش رفض يقوليها الحقيقة حيت الى قاليها بلي انا دابا فمرحلة خطيرة فالعلاج و خاصني الهدوء فحياتي ماشي العكس، غادي تشد معاه الضد و تزيد تمادى فأفعالها.