قلب يخشى الحب

PART♡1

🥀قَلْـــــــبٌ يَخْشَـــــــى الحُـــــــبَّ🥀

🍒الفصـــــــل الأول: قلـــــب لـــم يــــرد سواهـــــا🍒

🍷بقلـــــم:#SHEWOLF🍷

PART♡1

  ♡سأبقـــــى أراقبـــــــكِ من بعيـــــــــد           
           
كطفــــــــل فقيـــــــر يستمتــــــــع بالنظـــــــر      

لبائـــــــع الحلــــــوى دون شرائـــــــها♡          

فوسط دار سيف و قمر كانو الشباب كاملين مجموعين و في كامل أناقتهم،لابسين و مقادين و جالسين كي جمعو و يضحكو فرحانين و صوت الضحك ديالهم واصل لعند البنات لي كانو فغرفة شمس و كي وجدو فراسهم،حيت اليوم عقد قران سحر بنت إكرام و فخر بسراج ولد سلمى و يونس.

هاد الثنائي لي من صغرهم ماكانوش كي تفارقو، كبرو كأعز أصدقاء و قررو يتوجو علاقة صداقتهم البريئة بالزواج.

سحر جالسة فالكرسي و شمس مقابلة معاها كاتقاد ليها فالميكاب و غير بزز باش خلاتها، حيت سحر شخصية مختلفة تماما على البنات، ما عندهاش مع اللبس و الميكاب و اي حاجة عندها علاقة بالبنات،من صغرها كانت ديما كاتخالط الدراري و تبقا تلعب معاهم.

شمس: ربي ما ريحي خليني نكمل ليك

سحر: ما تكثريش

ميساء: واش الهبيلة اليوم عرسك و مابغيتيش تقادي

سحر(شافت فيها و غمزاتها): تقادي غير نتي حبيب القلب ديالك اليوم جاي ههه

ميساء توردو حناكها بخجل و ظهرات على شفايفها إبتسامة ساحرة

غزلان(بنت جاد و حليمة) كانت كاتقاد فشعرها حتى جاها إتصال، هزات التيلي شافت شكون و هي تنهد تنهيدة طويلة عاد جاوبات.

غزلان:ألو

يعقوب(بنبرة صوت رجولية و صارمة): فينك

غزلان: مع البنات علاش؟

يعقوب: ما تكثريش داك التخربيق فوجهك

غزلان(تنهدات): واخا

قطع عليها في حين هي لاحت داك التيلي بعصبية و مشات جلسات دارت بالناقص گاع، بقات كاتسوط و تنش على وجهها معصبة.

عام دابا باش مزوجين و ديما كاتحس براسها مخنوقة فهاد الزواج لي ندمات عليه أشد الندم،كان زواجهم تقليدي و تزوجو بلا ما يعرفو على بعضياتهم حتى حاجة من غير أسمائهم.

ما تنكرش أنها فالأيام الاولى ديال زواجهم كانت كاتحس بإعجاب من ناحيتو، حيت يعقوب واحد الشخص لي صارم و جدي للغاية هادشي من غير الوسامة ديالو الطاغية، لكن من بعد شهور من المعاشرة لقات بلي يعقوب إنسان بارد و قاسي،بحيت عمرها سمعات منو و لو كلمة وحدة زوينة، و حتى فعلاقتهم الجنـ...سية كاتكون باردة بدون اي مداعبات.