🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡36
لحظات من الصمت من طرفو و صوت البكاء من طرفها،هو كي حاول يستوعب كلامها و هي كاتسنا ردة الفعل ديالو، شوية كاتبلع ريقها ملي شافتو وجه ليها شوفاتو و قال بحدة ممزوجة بتعب المرض...
أنور: مريم باراكا من التفلية و خرجي فحالك
مريم(حركات ليه راسها بلا): ما كانتفلاش عليك ا أنور،أنا حاملة و بولدك(شدات ليه يدو و حطاتها على كرشها) هنا كاين طرف منك واش يعطيك خاطرك تمشي و تخليه؟ بغيتي تحرمو منك؟ و تحرم راسك منو؟
أنور(نتر يديه و قالت بتعب): مريم عافاك الى كنتي كاتفلاي قوليها
مريم(بإنفعال): قلت ليك ما كانتفلاش، واش حنا دابا فالتفلية؟ هاد الخبر كنت بغيت نقولو ليك من بعد ما تبرا لكن نتا جبرتيني نقولو دابا
أنور(حقق فيها الشوفة لثواني): دابا نتي حاملة بولدي؟
مريم(بتاسمات و حركات راسها بأه): اه و ولدك غادي يبغي يشوفك و غادي يكون فرحان حيت عندو اب بحالك(بترجي)أنور ما تحرمناش منك، كلشي كي عزك و كلشي خايف عليك، بغاوك ترجع ليهم و تبقا معاهم(سكتات لثواني قبل ما تقول) و الى كنتي كاتبغيني غادي تدير المستحيل باش تصلح من راسك ماشي تخلى عليا فأول مشكل(حركات راسها) بصح حتى انا تخليت عليك و لكن راجعت نفسي و لقيت بلي ما نقدرش نعيش بلا بيك، داكشي علاش فبلاصة ما تستسلم،حاول على قبل راسك بعدا، على قبلي و على قبل ولدنا، و ما تنساش ماماك مسكينة و باباك حتى هو،العائلة كلها عايشين فالخوف حاليا و حتى حد ما بغاك تمشي.
انور كان ساكت مغمض عينيه و كي سمع ليها، في حين هي حسات براسها بدات كاتأثر عليه بكلامها و بدات كاتقنعو، مسحات دموعها و زيرات على يدو قائلة...
مريم: الى متي أ أنور كون أكيد غادي نمشي نعتارف للبوليس بلي وقع و ديك الساعة غادي ندخل للحبس و نتعفن فيه حياتي كاملها، تبغي تشوفني فالحبس؟ و تبغي ولدك يتولد وسط الحباسات؟
أنور حرك ليها راسو بلا و هو ساد عينيه، مريم بتاسمات و قالت...
مريم: نعطيو لبعضياتنا فرصة؟ نعيط على الاسعاف؟
أنور سكت ماجاوبهاش، في حين هي بقات كاتشوفيه و كاتسنا فجوابو بشدة، قلبها كي ضرب على الجهد و شفايفها كي ترعدو، حيت هادي آخر فرصة عندها و الى رفض غادي يكون مصيرو المو..ت.
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
