قلب يخشى الحب

PART♡46

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡46

شمس(بللات حلقها و قالت بتردد): حتى نتا كنتي كاتخرج مع البنات

يازيد(هز حواجبو): ما تقارنيش ك*ك بيا و لا نصور ليك وجهك فهاد الطبلة

شمس: علاش؟ حيت نتا زعما راجل تدير لي بغيتي؟

يازيد(خنزر فيها):انا كاندوي على الوقت، ديك الساعة كنا مزوجين بزز و حتى حد فينا ما كان حامل لاخور، ما تبقايش تدخلي شي فشي

شمس: نتا كنتي كاتخون ا يازيد و لكن انا لا

يازيد(زفر و مسح وجهو بيدو): أستغفرالله العظيم(شافيها) دابا شنو بغيتي؟ لاش جيتي؟

شمس(كشرات ملامحها بحزن): جيت باش نطلب منك السماحة

يازيد: طلبتيها؟ ملي جلسنا و نتي كاتبرري فداكشي لي درتي

شمس(بعيون آسفة قالت): سمح ليا بزاف ا يازيد،داكشي لي درت كان غلطة كبيرة و انا ندمت على كلشي(بترجي) سمح ليا و عطيني فرصة اخرى، و كانواعدك عمر هادشي يتعاود

يازيد: اهاه و الى تعاود؟

شمس(بلهفة للمغفرة قالت): ديك الساعة طلقني و دي معاك قصي ما نبقاش نشوفو حياتي كاملة

سكتات كيف ما كان حتى هو ساكت و كي شوفيها مصغر عينيه، كان كي حاول يقرا الندم من عيونها و فعلا قدر يقراه،كانت كاتشوفيه بعيون متعطشة و راجية للغفران،كاتسناه بشدة و بتوتر شديد ينطق و يقول بلي سمح ليها و غادي يعطيها فرصة ثانية، حتى كاتشوفو تقاد فالجلسة و نطق بكلمات كانو قاسيين عليها و على قلبها لي تقطع لأطراف صغيرة..

يازيد: و لاش نتسنا حتى تعاودي داكشي لي درتي؟ نطلقك من دابا نيت و نهني راسي..

سكت ملي شافها كاتخسر سيفتها إستعدادا للبكاء و ما هي إلا لحظات حتى كانت نفاجرات بالبكاء، خبات وجهات بيديها و بقات كاتكبي بحر..قة و بحسرة، هنا فعلا تأكدات بلي ديك المغفرة لي كانت كاتسنا منو عمرها تحلم بيها حيت ناوي الطلاق.

اما هو بقا ساكت و كي تسناها تحبس من البكا باش يكمل كلامو، حتى كاتبان ليه حيدات يديها من وجهها لي كان عامر بالدموع و شافت فيه بعيون حمراء كيف الجمرة..