🥀قلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡76
سهيلة بلعات ريقها خوفا من خوها و بقات غير كاتشوفيه و كاترمش فعيونها،لسانها تعقد و ما عرفات باش تجاوبو على سؤاله،بقات كاترجع باللور في حين هو تقدم لعندها صاعر و عاود جرها.
وسيم:دوييي كانهدر معاك شنو بينك و بينو؟
سهيلة(بكلمات متقطعة قالت):شـ...شكون؟
وسيم هز يديه حتى للسما بغا يضربها لكن حبس ملي سمعها غوتات و خبات وجهها بيديها،جميلة شافت الوضع خرج على السيطرة مشات عند وسيم شداته من يدو،دار لعندها معصب و دفعها حتى رجعات بالور،حول ثاني شوفاته لسهيلة لي بدات كاتبكي و قال من تحت سنانه....
وسيم:قلت ليك شنو بينك و بينو حتى يجي عندي و يدوي ليا عليك؟(بالغوات حتى قفزها) وا دوي ما تعصبيش عدو ربي دوييي
سهيلة فهاد اللحظة تخلطو عليها المشاعر،خوف و احساس بالحگرة زائد شعورها بالغضب و العصبية من كلامه،بحال الى ما كي عرفهاش و ما ثايقش فيها،و هي عمرها فكرات تدير شي حاجة لي تخليه يحس بالشمتة و لا تقيسه فشرفو،شافت فيه بعيونها الحمراء بسبب البكا و قالت بإنفعال...
سهيلة:كاااانبغيييه و كي بغينييي شنو فيها؟ غير نتا لي تبغي و تزوج انا نبقا لاصقة فيك حياتي كاملة؟
وسيم صدماته،دار لعندها جميلة كي شوفيها لقاها موسعة عينيها بصدمة حتى هي،بتاسم بسخرية و دار لعند سهيلة جمع معاها لحنكها حتى طار شعرها من بلاصته،جميلة شهقات و مشات لعندو كاتضرب فيه بلا ما تحس على راسها شنو كاتدير.
في حين سهيلة شادة حنكها و كاتبكي بحرقة،اما وسيم شد جميلة من يديها و عوجها ليها حتى عطاته بالظهر كاتغوت بألم...
جميلة:اييي طلق مني الحگااااار طلاااااااق
وسيم(بصراخ):متافقة معاها ها؟ مرتي و ختي كي لعبو ورا ظهري؟عندي دار القحـا...ب انا هنا؟
جميلة(كاتحاول تنتر منو):طلق مني نوريك القحـ...اب طلللق
وسيم دفعها و دارت بالخف تلاحت عليه كاتقمش و تضرب،كي دفعها ما باغيش يضربها و كاترجع ليه ثاني،حتى عصباته و جمع معاها بصفعة جمداتها فبلاصتها،حطات يديها على حنكها و شافت فيه بعدم تصديق،البارح تزوجو و اليوم ضربها؟ما قدرتش تستوعب شنو دار.
أنت تقرأ
قلب يخشى الحب
Romansa༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
