🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡42
مريم سكتات و بقات غير كاتشوفيه حيت فهاد اللحظة ما عرفات واش تفرح حيت أخيرا رد البال لشعرها، و لا تخاف حيت ديجا وصاها ما تقطعوش، و لا تقلق بسبب البرودة ديالو معاها، فالتالي تنهدات و جاوباتو بنفس نبرة الصوت باش سولها...
مريم: حيت بغيت
أنور أخيرا هز عينيه فيها و حقق فيها الشوفة لثواني قليلة قبل ما يحرك ليها راسو و يرجع يكمل عشاه، أما هي بقات غير حاضياه و الاسئلة كي دورو ليها فعقلها،ما كرهاتش تسولو دابا و تهني راسها.
تسولو واش باقي كاتبغيني و لا صافي گاع داك الحب و العشق تطفا و ما بقا منهم والو،لكن رغم ذلك مازال ما عندها الشجاعة تواجهو و تسولو هاد الاسئلة.
تنهدات بضيق و رجعات كاتعشا واخا شهيتها مسدودة اولا بسبب الوحم و ثانيا بسبب أنور و البرودة ديالو معاها خلات شهيتها تسد بمرة و كاتاكل غير بزز، حتى لشوية تروع عليها خاطرها، و هي تحط يديها على فمها و ناضت كاتجري مشات للدوش لي فبيتها خلات أنور غير كي شوفيها.
مريم بدات كاتستفرغ گاع داكشي لي كلات حتى كاتبغي روحها تخرج مع عينيها لي ولاو حمرين و مدمعين، الوحم غادي و كي تزاد و هادشي كي زيد يعصبها و يمرضها فنفسيتها.
سالات و ناضت غسلات حالتها، هزات راسها فالمراية و بقات كاتشوف فإنعكاسها و عينيها حمرين بالدموع، و فالصراحة ما كرهاتش تفرگع فهاد اللحظة بالبكا و تفش قلبها لكن حتى الخاطر للبكا ما عندهاش و من غير هادشي ما بغاتوش يشوفها كاتبكي.
رجعات غسلات وجهها و مسحاتو بالفوطة عاد خرجات،و مع الخرجة لقات انور دخل لعندها للبيت،شافها و قرب ليها...
أنور(بقلق): مالك؟
مريم: والو غير مع الدوخة ديال الكار
أنور مد يديه للگصة لي نازلة على جبينها و رجعها للور باش يقيس حرارتها، لكن لقاها معتدلة و ما فيهاش السخانة، شافيها و قال...
انور: سيري تنعسي باش ترتاحي
مريم(تنهدات): واخا
أنور(بهدوء): تصبحي على خير
مريم: تصبح على خير
أنت تقرأ
قلب يخشى الحب
Romansa༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
