🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡14
وصل سراج و هبط مشا لعند ولدو هزو و دخل للمبنى،فنفس الوقت سحر كانت يالاه وصلات و هبطات بالجرى مشات تبعاتو لقاتو طلع فالمصعد و هي تمشي للدروج و طلعات فيهم كاتجري و كاتنقز ثلاثة الدرجات دقة وحدة باش تلحق عليه.
سراج وصل للطابق لي فيه الشقة ديالو و توجه ليها حل الباب و دخل، دار و يالاه بغت يسدو و هي تحبسو سحر لي كانت وصلات كاتنهج و تبلع ريقها بسباب السخفة لي فيها.
سحر(بكلام متقطع): خلي...ني مع ول...دي
سراج تعصب و دفعها بيد وحدة و يالاه بغا يسد الباب و هي تحبسو ثاني، هاد المرة خلاها و مشا طلع لبيت ولدو حطو فبلاصتو عاد هبط لعندها لقاها دخلات و جلسات فوق الفوتوي كاتسترجع أنفاسها.
سراج: تهزي سيري فحالك
سحر: لا ماغاديش نخلي ولدي و هو مريض
سراج(من تحت سنانو): قلت ليك تهزي خرجي عليا من داري
سحر(وقفات و تقابلات معاه): كانقول ديما نلعن الشيطان و نسد فمي و لكن راه عيقتي بزاف، صامد راه ولدي حتى انا و من حقي نشوفو وقت ما بغيت و دابا الدري مريض غادي يكون محتاج لمو كثر منك نتا مالك كاتشد الضد
سراج(حمر فيها بعينيه): محتاج ليك؟ نتي لي مرضتيه و مازال زايدا فيه كاتخرجي فعينيك
سحر(بإنفعال): قلت ليك ما درتهاش بلعاني
سراج(شدها من دراعها و غرس فيهم صباعو): واش لحسك مخلية دري باقي ما كمل حتى 3 سنين بوحدو على قبل خدمتك و كاتقولي ليا ما درتيهاش بلعاني
سحر(تنترات منو): كان ناعس
سراج: علاش ما عيطيش ليا؟
سحر: خفتك تديه و ما ترجعوش ليا
سراج(قرب ليها و قال): إوا دابا سمعي أقسم بلي خلقني و خلقك ما باقي تشوفيه واخا تبكي عليا الدم
سحر بقات كاتشوفيه شوية بدات كاتحرك راسها بلا ملي ستوعبات كلامو و لتامسات الجدية لي كانت فنبرة صوتو.
سحر: لا لا نتا ما يمكنش ليك تحرمني من ولدي
سراج: يمكن و دابا الباب غبري غليا وجهك
أنت تقرأ
قلب يخشى الحب
Romansa༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
