🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡34
لكن الرصاصة ماجاتش فأنور و إنما فيانيس لي طاكا على صاحبو و جاتو النيشان فكتفو الايسر، بحكم سيف طلق الرصاصة في إتجاه يد انور باش يطلق من مريم و ماشي حيت ناوي يقت..لو أكيد، راه كي بقا ولدو.
ضحى و ميساء غوتو و مشاو النيشان عند يانيس لي كان شاد كتفو بيديه في حين انور بقا كي شوفيه موسع عينيه، حتى كي سمع يانيس قال بصوت متقطع.
يانيس:أنور سير
أنور(حرك ليه راسو بلا): نتا...
يانيس(قاطعو): انا بخير
أنور بقا مدة كي شوفيه حتى نزلات دمعة من عينيه دغيا مسحها و جر معاه مريم، في حين كلشي كان ملهي مع يانيس من غير فراس لي بغا يتبعهم و لكن شداتو سمر.
سمر(كاترعد): فراس عافاك خليه يمشي
فراس(خنزر فيها): طلقي مني
سمر: لا نتا معصب و هو معصب غادي توقع شي مصيبة خلي حتى تبردو و غادي نلقاو حل لهاد الصداع
يالاه بغا يهدر و هو يقاطعو صوت بدر(الجد) لي قال...
بدر: عندها الصح اولدي خليه حتى لمن بعد و نهدرو معاه،اما ختك ما تخافش عليها ماغاديش نخليو حقها يمشي هاكداك
فراس زفر بغضب و سكت حيت ما لقا ما يقول،نتر يد سمر بالجهد و بعدات عليه حيت بان ليها معصب بزاف و عمرها شافتو هاكدا، فراس شاف فيانيس لقاه كي توجع و سيف كي دور على كتفو بفاصمة لي جابت ليه قمر باش يحبس ليه الد..م و فنفس الوقت كي عاتبو...
سيف: لاش تدخلتي؟
يانيس: عمي واش من نيتك كنتي باغي تقت..لو؟
سيف(خنزر فيه):واش انا غادي نقت..ل ولدي؟ بغيت غير نضربو ليدو باش يطلق من البنت ساعة نتا ماكاتدخلش سوق راسك
ضحى(كاتبكي):ولدي غادي يمو..ت
سيف(شافيها): سكتي نتي ولدك ما بيه والو(شافيهم كاملهم و قال) عيطو للإسعاف و باركا من البكا هادشي لي كاتعرفو.
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
