قلب يخشى الحب

PART♡3

🥀قَلْـــــــبٌ يَخْشَـــــــى الحُـــــــبَّ🥀

🍒الفصـــــــل الأول: قلــب لـــم يـــرد سواهــا🍒

🍷بقلـــــم:#SHEWOLF🍷

PART♡3

مريم(بإستغراب):مال فمي؟

أنور: ما تبقايش تعضيه

مريم(صغرات فيه عينيها): و علاش؟

أنور: أنا لي عارف علاش(شافها يالاه بغات تهدر و قاطعها) تحركي تبعيني

مشا و خلاها واقفة كاتشوفيه معوجة فمها فالتالي تنهدات و مشات تبعاتو كاتعرج حتى وصلو للبلاصة لي كي تدربو فيها .

انور(مشا لعند فؤاد): طلبتيني

فؤاد: أه لقيت كلشي مزيان الا فراس السالمي لقيت معاه مشكل ما قدرش يكمل التدريب

انور(تنهد): واخا سير نتا و بدا معاهم فالتدريب الثاني و انا غادي نتكلف بيه

مشا فؤاد و مشاو معاه المتدربين في حين انور مشا لعند فراس لي كانت واقفة حداه مريم و كي هدرو

أنور: إنتباه

فراس و مريم شافو فيه و تقادو فالوقفة

أنور: لحد الآن التداريب غاديين مزيان واخا صعاب لكن المتدربين كي قدرو يتجاوزوهم إلا واحد الجوج، غادي تكونو عرفتوهوم ياك؟

فراس و مريم بقاو كي حنحنو

أنور: داكشي علاش قررت بلي غادي نزيد معاكم حصص إضافية و لي غادي يكونو بالليل، مفهوم؟

هما: مفهوم

أنور: يالاه لتاحقو بالزملاء ديالكم

دارو ليه التحية و مشاو

عند غزلان لي كانت بوحدها فالدار جالسة فالصالون كاتفكر شوية جا فبالها توفيق لي كي تسالها الفلوس،ضربات جبهتها بكف يديها حيت نساتو و هزات التيلي ديك الساعة عيطات ليه،مدة قليلة و كان جاوبها.

توفيق: السلام

غزلان: و عليكم السلام

توفيق: شكون معايا

غزلان: انا لي خلصتي عليا البارح فمرجان
توفيق: أه غزلان عقلت عليك(بتاسم)و حتى على إسمك

غزلان(بتاسمات): المهم عيط ليك على قبل الفلوس بغيت نرجعهم ليك

توفيق: راه قلت ليك نساي ما كاين لاش

غزلان: لا ضروري حشومة

توفيق(سكت مدة كي فكر فالتالي قال): واخا نتلاقاو فكافي** و عطيني الفلوس

غزلان: لا من الاحسن نڤيرسي ليك الفلوس من الكونط ديالك

توفيق: الكونط ديالي فيه شي مشاكل حاليا داكشي لاش ماتقدريش تڤيرسي فيه.