🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡67
مريم شهقات و تقادات فالجلسة باش تشدو في حين انور عاقد غوباشتو و كي شوفيه مخليه كي ضرب فيه،اما براء كان بقضبة يديه الصغيرة كي ضربو لصدرو و كي بكي و يغوت ب "بعد من ماما" حتى كاتجرو مريم لعندها، عنقاتو و بقات كاتطبطب عليه.
مريم:بسم الله عليك اولدي
براء(كي بكي):بعد من ماما
مريم(مزيرة عليه): شوو ما دار ليا والو ا براء
شافت فأنور لي ناض من الناموسية و قرب لجيهتهم،مد يديه بغا يجرو و هي تشدها ليه مريم، شاف فيها و صغرات ليه عيونها بترجي...
مريم(حركات راسها بلا): عافاك ا أنور
أنور(بحدة): طلقي مني
مريم(بتوسل):عافاك راه الدري فهم غلط و عند بالو كنتي كاتضرب فيا واقيلا
انور نتر يديها و وقف كي دوز على وجهو بإنفعال،رجع شاف فبراء لقاه معنق مريم و كي خنزر فيه، عيونو مدمعين و وجهو حمر بالبكا
أنور(بصرامة): اش جابك لهنا؟ ياك خليناك فبيتك ناعس؟
براء(مخنزر): بعد من ماما نتا خايب بحالو
أنور(زفر كمحاولة منه لضبط اعصابه و شاف فمريم):دابا شنو ندير معاه؟ ولى يدخل علينا و يهجم عليا؟ و زايدها كي شبهني بداك الز....(سكت ملي ما قدرش يعاير قدامو)أستغفر الله العظيم(تنهد) نتوما غادي تحمقوني
مريم(بهدوء):نسيتي ثاني تشرب دواك ا انور
أنور خنزر فيها و مشا للمجر حلو و جبد منو الدوا، خرج من البيت و هبط للتحت في حين مريم بقات مع براء كاتهدن فيه و تحاول تنعسو، تفهماتو و عرفات بلي هاد ردة الفعل ناتجة عليها شي صدمة نفسية عاشها قبل.
مريم(بصوت خافت): علاش اولدي درتي هادشي؟
براء(حاط راسو على صدرها و كي تنخسس):هو بحالو،كي دير ليك كيف ما كان كي دير لماما
مريم(تنهدات): لا انور ماشي بحالو و ما كانش كي آذيني
براء: و علاش كان فوقك؟
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
