🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡66
وسيم حاليا في حيرة، كي شوف فصاحبو و يرجع يشوف فسهيلة و جميلة بإستغراب، ما فهم والو و كي جيب ليك الله بحال الى غير كي حلم، غمض عينيه و رجع حلهم باش يتأكد لقاهم فعلا هما.
هنا ملامحه تبدلو و طغاو عليهم علامات الغضب و العصبية، في حين سهيلة و جميلة كي شوفو فيه و كي ترعدو من الخوف،خاصة سهيلة لي كاتحس براسها قربات تسخف.
معاذ: وا جلس ا صاحبي مالك شفتي الزين و تلفتي(وسيم وجه ليه نظرات مرعبة خلاو معاذ يعقد حواجبو بتعجب) مالك كاتشوفيا بدوك الشوفات؟
وسيم طلع راسو للسقف و زفر زفرة طويلة، عاد رجع شافيهم و جر كرسي جلس حدا معاذ باش يفهم شنو كاين، شاف فهاد الاخير و قال...
وسيم:شكون هادو؟
معاذ(بإبتسامة اشار بيديه لجميلة): هاد الزوينة سميتها جميلة(شاف فسهيلة) و هادي سميتها سهيلة (بمزاح) 22 سنة خرجات من الباك و كاتقلب على فارس احلامها، ياك؟
سهيلة وسعات فيه عينيها بصدمة، ما لقا امتى يعاود هدرتها غير قدام خوها، وجهات شوفاتها لهاد الاخير لقاتو كي دير فيها شي شوفات، من خلالهم عرفات راسها اليوم موحال تبقا حية.
سهيلة(بلعات ريقها و ضحكات بتوتر):ههه لا لا اويلي اش بغيت بشي فارس احلام احم
معاذ(كشر ملامحه):و يالاه قلتيها ليا عاد دابا شوية
سهيلة(جمعات ضحكتها و قالت بخوف):لا انا ما نحتاج لحتى شي واحد، خويا حبيبي ما مخليني محتاجة لوالو
معاذ: عندك خوك؟
وسيم(قاطعو ملي قال):و خوك كي خليك تخرجي و تجلسي مع الرجال فالقهاوي؟
سهيلة(عتادلات فالجلسة و زيرات على يديها لي كي ترعدو): احم لا ما كي خلينيش و لكن هادي(اشارت بصبعها لجميلة) بززات عليا نخرجو
جميلة(موسعة عينيها): اويلي؟ انا؟ امتى ابنت الحرام؟
سهيلة: ييه على ماشي البارح جيتي تبلحسي ليا باش نخرجو بهاد شوية الفلوس لي عندي والايني راك رفيقة السوء
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
