🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡59
سلمى(خنزرات فيه): حشومة اولدي
سراج(عقدد حواجبو): علاش حشومة؟ مخلية الدري بوحدو باش تهز الوراق؟
سلمى(تنهدات): نتوما ايمانكم ضعيف بزاف لدرجة ما بغيتوش تقبلو بلي لي وقع ما ذنب حتى حد انما ربي بغاه و داه لعندو
سراج: تقبلت الواليدة و عارف ولدي كاين فبلاصة حسن من هنا و لكن ديك السيدة خدمتها خارجة عليها و فين ما كان كي كون عندها كاتوقع ليه شي حاجة
سلمى: دابا صافي لي فات ما..ت واش غادي تبقاو تلومو فبعضياتكم؟ نساو و كملو حياتكم على قبل ولدكم، اكيد الى شافكم فرحانين غادي يفرح حتى هو
سراج(بلع الغصة لي واحلة فحلقو و قال):و هاديك مالها؟ شنو واقع حتى تبكي عليك مها؟
سلمى: خايفة عليها لا تدير شي موصيبة فراسها، ما بقات لا تاكل لا تشرب، غير حابسة عليها فالبيت و تضل ناعسة كاتبكي
سراج(تنهد):عيان بغيت مرتاح
سلمى: واخا اولدي سير تاكل بعدا
سراج حرك ليها راسو و مشا جلس فوق الفوتوي باش ياكل في حين سلمى خرجات و خلاتو يرتاح.
اما نسيمة كانت خارجة مع سليمة كي ديرو الشوبينغ بما ان غدا نسيمة و فؤاد غادي يتزوجو، و كيف ما طلبات نسيمة ماغادي يكون لا عرس لا والو، غادي غير يوقعو عقد قرانهم و صافي، لكن سليمة اصرات عليها باش تخرج معاها و تشري ليها دهازها،بغات تفرح بيها و بولدها واخا ما كاين عرس و لكن على الاقل تبين لنسيمة بلي فرحانة بزواجهم.
سليمة(شافت فالمحل):هو هادا
نسيمة(شافت فداكشي لي فيه و هي توسع عينيها):اويلي ا خالتي؟
سليمة: مالك؟ زيدي دخلي زيدي؟
نسيمة(كاتشوف فلي شوميز دو نوي): شنو كانديرو هنا؟
سليمة(شداتها من يديها و جراتها): ا زيدي ناخدو لي شوميز دو نوي باغا تخلي ليا ولدي محروم؟
نسيمة(ولات حمرا بالخجل): الله يهديك ا خالتي
سليمة(جاراها معاها): الله يهديك نتي
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
