🥀قلـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡56
سحر بلعات ريقها لي نشف و بقات موسعة عينيها فباها لي مكشر ملامحو و متأكد من الكلام لي خرج من لسانو و هادشي لي كانت كاتحاول سحر توصل ليه، كانت باغا تقرا حروفو و من ملامحو تعرف واش فعلا كي هدر و لا غير شي خدعة بغا يديرها،و لكن كاتعرف باها مزيان و كاتعرفو امتى كي ضحك و امتى لا و فهاد اللحظة متأكدة مليون فالمية بلي جدي فكلامو.
إكرام(شافت ففخر):اويلي على حرام؟ علاش حرام يرجعو يتزوجو؟
فخر(شافيها): يييه حرام و مستحيل يتزوجو
إكرام(عقدات حواجبها): على ماماك و باباك ما كانوش مطلقين و رجعو تزوجو؟
فخر: الواليد ما طلقش الواليدة الطلاق الثلاث
اكرام(شهقات حاطة يديها على فمها و وجهات شوفاتها لسحر): اويلي واش سراج طلقك الطلاق الثلاث؟
سحر بقات مدة كاتشوفيهم بعدم استوعاب، شوية شدات راسها بين يديها و بقات كاتزفر بإنفعال حيت عقلها وقف و ما فهمات من هدرة باها والو، كيفاش الطلاق الثلاث و امتى سراج طلقها الثلاث؟ على ما عاقلة هي عمرو نطق بلي طلقها بالثلاث، تكون نسات زعما؟ و لكن مستحيل تنسا بحال هادشي، هزات راسها فباها و قالت...
سحر: امتى ا بابا طلقني سراج الطلاق الثلاث؟
فخر: كيفاش امتى؟ راه باينة امتى
سحر(تنهدات و دوات بنبرة صوت هادئة): بابا الله يهديك واش حلمتيها و لا شنو؟سراج عمرو نطق بلي طلقني بالثلاث
فخر(ربع يديه و قال): و باش غادي نعرف انا؟ فاش طلقك ما كناش حنا و الى مشا حتى نطقها راكم محرمين على بعضياتكم حتى تزوجي بواحد من غيرو
سحر: عرفتي شنو نعيطو ليه و نسولوه
فخر: احسن حاجة، حيت هو غادي يكون عاقل على شنو قال
سحر حركات راسها و جبدات التيلي ديالها من جيبها،حلاتو و دخلات النيشان لعند سراج عيطات ليه،و ديك الساعة جاوبها و هي تدير haut parleur باش كلهم يسمعو.
سراج: نعام ا سحر؟
سحر(عينيها على فخر): سراج واش طلقتيني الطلاق الثلاث؟
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
